(විජේරත්න රත්නායක )
ගිය වසරේ ලංකාවේ තේ කර්මාන්ත ශාලා 63 ක් වැසී ගොස් ඇති බවත් තවත් කර්මාන්ත ශාලා 50 ක් පමණ වැසීයාමට ආසන්නව ඇති බවත් කුඩා තේ වතු සංවර්ධන රාජ්ය අමාත්ය කාංචන විජේසේකර මහතා පැවසීය.
බදුල්ල තැපැල් සංකීර්ණ ශ්රවනාගාරයේදී අද (13) පැවැති බදුල්ල දිස්ත්රික්කයේ කුඩා තේවතු හිමියන් දැනුවත් කිරීමේ රැස්වීමකදී අදහස් දක්වමින් රාජ්ය අමාත්යවරයා මේ බව සඳහන් කළේය.
පසුගිය රජයේ අත්තනෝමතික කටයුතු හේතුවෙන් ලංකාවේ තේ කර්මාන්තය මේ වන විට ඉතා කණගාටුදායක තත්වයකට පත්ව අති බවත් ඒ මහතා කීය.
මෙහිදී කුඩා තේ වතු හිමියන් 500 දෙනෙකුට අවශ්ය ආවුද හා උපකරණ රාශියක්ද බෙදාදුන් අතර පසුගිය රජය මිලදීගෙන තිබූ එම උපකරණ මිලදී ගැනීමේදී බරපතල මූල්ය දූෂණ හා අක්රමිකතා රැසක් සිදුවී ඇතැයිද පසුගිය මාර්තුවල සිට තේ වගා සහනාධාර මුදල් ගෙවා නොමැති අතර ඒ මුදල් යොදවා පසුගිය ජනාධිපතිවරණයේදී බෙදීමට මෙම බඩු මිලදී ගෙන ඇති බවත් රාජ්ය අමාත්යවරයා සඳහන් කළේය.
එසේම වෙළඳපොලේ රුපියල් 1200 කට අඩුවෙන් ලබාගත හැකි මුල්ලුවක් රුපියල් 2750 බැගින් මුල්ලු 11000 ක් මිලදීගෙන ඇති බවත් වතුර මෝටර් 6000 ක් සහ දියර ඉසින යන්ත්ර 4500 ක් මිලදී ගෙන ඇති අතර ඒවා මිලදීගැනීමට හේතුව කුඩා තේ වතු සංවර්ධන අධිකාරිය හෝ නොදන්නා බවත් ඡන්ද කාලයේ නුවරඑළිය ප්රදේශයේ එළවළු ගොවීන්ට බෙදාදීමට ඒවා මිලදී ගන්නට ඇති බවත් ඒ මහතා පැවසීය.
මේ වන විට ඇතැම් වැවිලි සමාගම් තේ වගාවෙන් ඉවත්ව වෙනත් වගා හෝ වෙනත් කර්මාන්ත කරා යොමුවන බව පෙන්වා දුන් රාජ්ය අමාත්යවරයා, තව දුරටත් තේ වගාවට යොමු නොවන, තේ කර්මාන්ත ශාලා තව දුරටත් වසා තබන සමාගම් කීපයක් හෝ රජයට පවරාගෙන එම සමාගම් සතු ඉඩම් කුඩා තේ වතු හිමියන්ට බෙදා දීමට තීරණය කර ඇතැයිද සඳහන් කළේය.
පසුගිය රජය වර්ෂ 2017, 2018, 2019 යන වර්ෂයන්හිදී පොහොර සමාගම්වලින් ගත් පොහොර සඳහා රුපියල් කෝටි 230 ගෙවා නැතැයිද එම රජය ප්රමුඛත්වය දුන්නේ පොහොරවලට ගෙවීමට ඇති බිලියන 23 ගැන නොව වාහනවලට ගෙවීමට ඇති බිලියන 28 ගැන බවද වැඩිදුරටත් පැවසීය.
සෙරන්ඩිබ් ෆ්ලා මිල්ස්, 7 Starවෙළඳ නාමය යටතේ ශ්රී ලංකාවේ ප්රමුඛ පෙළේ තිරිඟු පිටි නිෂ්පාදන සහ බෙදාහැරීමේ සමාගමක් ලෙස කීර්තියක් දිනා ඇත. සෙරන්ඩිබ් සේවා බ
අයිටීසී රත්නදීප හෝටල් සහ සුපිරි නිවාස ව්යාපෘතිය (ITC Ratnadipa Colombo) ජනාධිපති රනිල් වික්රමසිංහ මහතාගේ ප්රධානත්වයෙන් අද (25) විවෘත කරනු ලැබීය.
මෙරට ප්රමුඛ පෙළේ දේපොළ වෙළෙඳ සමාගමක් වන Westbury Suites සමාගම ඒකක 35කින් සමන්විත වන සිය නවතම මහල් නිවාස සංකීර්ණය වන Westbury Residencies - Colombo 10 පසුගියදා විවෘත කළේය.
කොමර්ෂල් බැංකුව 2024 කැන්ටාර් ජනතා සම්මාන උළෙලේ දී අඛණ්ඩව දෙවැනි වසරටත් වසරේ මහජනතාවගේ පෞද්ගලික බැංකුව ලෙස කිරුළු පැළඳ, ශ්රී ලාංකේය ජනතාවට සමීපතම බැංක
සංවර්ධන මූල්ය දෙපාර්තමේන්තුව මගින් හඳුන්වා දී ඇති වී මිලදී ගැනීමේ ණය යෝජනා ක්රමය ක්රියාවට නංවන මූල්ය ආයතන අතරට සෙලාන් බැංකුව තෝරාගෙන තිබේ. මෙම පු
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘පසුගිය වසරේ තේ කම්හල් 63 ක් වැහිලා‘‘
Perera Friday, 14 February 2020 01:50 AM
කම්හල් වැහෙනවා විතරක් නොවේ, දැනට ලෝකයේ තේ වල නිෂ්පාදන පිරිවැය වැඩිම රට ලංකාව. තේ නිෂ්පාදනෙන් ලෝකේ අංක 1ට හිටපු ලංකාව අද අංක 4ට වැටිලා. ඉන්දියාව, චීනය සහා කෙන්යාව ලංකාවට ඉදිරියෙන් සිටිනවා. මේ රටේ දේශපාලුවන් රටයි රටේ කර්මාන්තයි විනාශ කරනවා. රටේ මිනිස්සු උන්ටම ඡන්දෙත් දෙනවා.
denin Tuesday, 18 February 2020 05:22 AM
මේ අර අක්කර 50 වැඩි ඉඩම් රජයට පවරාගැනීමේ ප්රතිපල තමයි. වත්තක් අයිතිකාරයට වඩා උන්නදු වෙනවද වෙන කෙනක් ඒ වත්ත වැඩි දියුණු කරන්න. ඒ වගේම ඒවා ගැන දැනුමකුත් තිබිය යුතුයි. ඉස්සරනම් පාර්ලිමේන්තුවේ වැඩිය හිටියෙත් ඉඩම් හිමි වැවිලිකරුවෝ. ඒ අයට වන විනාශකරන්නන් කියා චෝදනා තිබුනෙත් නැහැ.