ඔස්ට්රේලියාව ලොව විශාලතම වෙළෙඳ ගිවිසුමට එක්වීමට නියමිත අතර එරට අග්රාමාත්ය ස්කොට් මොරිසන් සහ වෙළෙඳ අමාත්ය සයිමන් බර්මින්ග්හැම් අද (15) ඊට අත්සන් තැබීමට නියමිතය.
රටවල් 15 ක් මෙම වෙළෙඳ ගිවිසුමට එක්වීමට නියමිත අතර ඒ අනුව මෙය ලොව විශාලතම නිදහස් වෙළෙඳ ගිවිසුම වනු ඇතැයි ද පැවසේ.
මෙම ගිවිසුමට එක්වන රටවල් 15 ගෝලීය ආර්ථිකයෙන් තුනෙන් එකකට හිමිකම් කීම ද විශේෂත්වයකි.
එපමණක් නොව ගිවිසුමට එක්වන රටවල ජනගහනය ගෝලීය ජනගහනයෙන් 30% කට හිමිකම් කියයි.
“මේක විශාල ජයග්රහණයක්” යැයි වෙළෙඳ අමාත්ය බර්මින්ග්හැම් පැවැසීය.
“අපි මේ ගිවිසුමට අත්සන් තබන්නේ සුවිශේෂී සහ ඉතා වැදගත් කාල සමයක. ගෝලීය වෙළෙඳ පද්ධතියට විශාල පීඩනයක් මේ වනවිට එල්ල වෙමින් තිබෙනවා. ඔස්ට්රේලියාවටත් මේ පීඩනය එල්ල වෙමින් තිබෙනවා” යැයි හෙතෙම කීය.
ඔස්ට්රේලියාව, ජපානය, චීනය, දකුණු කොරියාව, නවසීලන්තය සහ ‘ආසියාන්’ සංවිධානයේ සාමාජිකයන් දස දෙනා මෙම ගිවිසුමේ පාර්ශවකරුවන් වනු ඇත.
‘කොවිඩ්-19’ හේතුවෙන් ඇති වී තිබෙන ආර්ථික අර්බුදයෙන් ගොඩ ඒමට මේ අවස්ථාව ඉතා වැදගත් වනු ඇතැයි ව්යාපාරික කණ්ඩායම් පෙන්වා දී ඇත.
“ඔස්ට්රේලියානුවන්ට රැකියා අවශ්යයි. අපේ ඉහළ ගුණාත්මකභාවයෙන් යුතු භාණ්ඩ හා සේවා ලෝකයට අලෙවි කිරීම ඔවුන්ට රැකියා නිර්මාණය කර දෙන්න ඉතා හොඳ ක්රමයක්” යැයි ඔස්ට්රේලියානු ව්යාපාරික කවුන්සිලයේ ප්රධාන විධායක නිලධාරී ජෙනිෆර් වෙස්ටකෝට් ප්රකාශ කළාය.
“පසුගිය අවුරුදු 30ක කාලයේදී අපේ වෙළෙඳාම රඳා පවතියේ ආසියාව සමඟ කළ වෙළෙඳාම හා ආයෝජන මතයි. මේ නව ගිවිසුමත් සමඟ අපට නව වර්ධනයක්, නව රැකියා ලබාගැනීමට අවස්ථාව ලැබෙනවා. අපට ඕනමවෙලා තියෙන අවස්ථාවේදී එය ලැබීමත් ඉතා වැදගත්” යැයි ඔස්ට්රේලියානු කර්මාන්ත කණ්ඩායමේ ප්රධාන විධායක නිලධාරී ඉනෙස් විලෙක්ස් පැවැසීය.
එමෙන්ම මෙම ගිවිසුමෙන් ඔස්ට්රේලියාව, ආසියානු ශාන්තිකර කලාපය සමඟ සම්බන්ධ කරන්නේ යැයි ද ඔහු කීය.
මේ තුළින් ජාත්යන්තර තරගකාරීත්වයට සම්බන්ධ වීමට ඔස්ට්රේලියානු සමාගම්වලට අවස්ථාව ලැබෙන බවත් හෙතෙම කීය.
(රොයිටර්/ද ගාඩියන් ඇසුරිනි)
055
සෙරන්ඩිබ් ෆ්ලා මිල්ස්, 7 Starවෙළඳ නාමය යටතේ ශ්රී ලංකාවේ ප්රමුඛ පෙළේ තිරිඟු පිටි නිෂ්පාදන සහ බෙදාහැරීමේ සමාගමක් ලෙස කීර්තියක් දිනා ඇත. සෙරන්ඩිබ් සේවා බ
අයිටීසී රත්නදීප හෝටල් සහ සුපිරි නිවාස ව්යාපෘතිය (ITC Ratnadipa Colombo) ජනාධිපති රනිල් වික්රමසිංහ මහතාගේ ප්රධානත්වයෙන් අද (25) විවෘත කරනු ලැබීය.
මෙරට ප්රමුඛ පෙළේ දේපොළ වෙළෙඳ සමාගමක් වන Westbury Suites සමාගම ඒකක 35කින් සමන්විත වන සිය නවතම මහල් නිවාස සංකීර්ණය වන Westbury Residencies - Colombo 10 පසුගියදා විවෘත කළේය.
කොමර්ෂල් බැංකුව 2024 කැන්ටාර් ජනතා සම්මාන උළෙලේ දී අඛණ්ඩව දෙවැනි වසරටත් වසරේ මහජනතාවගේ පෞද්ගලික බැංකුව ලෙස කිරුළු පැළඳ, ශ්රී ලාංකේය ජනතාවට සමීපතම බැංක
සංවර්ධන මූල්ය දෙපාර්තමේන්තුව මගින් හඳුන්වා දී ඇති වී මිලදී ගැනීමේ ණය යෝජනා ක්රමය ක්රියාවට නංවන මූල්ය ආයතන අතරට සෙලාන් බැංකුව තෝරාගෙන තිබේ. මෙම පු
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඔස්ට්රේලියාව ලොව විශාලතම වෙළද ගිවිසුමට අත්සන් තබයි