ගුවන් ප්‍රහාරයකින් පසු සුන්බුන් අතර  වැළලී සිටි කුඩා දරුවෙකුගේ දිවි බේරාගැනීමට සිරියාවේ ඇලෙප්පෝහි වැසියෝ පිරිසක් සමත්වූහ.

සම්පූර්ණයෙන්ම පාහේ වැළලී සිටි මේ දරුවාට සීරීමක තරමේවත් හානියක් සිදුව නොමැති ඇති බව සදහන්ය.

අන්තර්ජාලයට එක් කර ඇති වීඩියෝවක දැක්වෙන පරිදි පුරා විනාඩි 8 ක පමණ කාලයක් පොළව හාරමින් සුන්බුන් ඉවත් කරන ඔවුහු අවසානයේ කුඩා දරුවා පිටතට ගැනීමට සමත් වන්නොය.

දරුවා ජීවත් වන බව දැක ඔවුහු ප්‍රීතියෙන් ජයගොස නගනුද වීඩියෝවේ දැක්වේ.

සිරියාවේ ගැටුම් වල ප්‍රධාන පාර්ශවයන් දෙක වන සිරියා ජනපති බෂීර් අල් අසාද් හා සිරියා විපක්ෂය අතර ගැටුම් නතර කිරීමේ අරමුණින් මේ වන විට සාකච්ඡා පැවැත්වෙමින් පවතී.