IMG-LOGO

ඊජිප්තු පාපන්දු කී‍්‍රඩාංගණයක දරුණු ගැටුමකින් 75 ක් මියයති

ඊජිප්තු පාපන්දු කී‍්‍රඩා සමාජ දෙකක් අතර පෙරේදා (2) රාති‍්‍රයේ  පැවැති තරගයක් අතරතුරේ හටගත් දරුණු ගැටුමකින් පුද්ගලයෝ 75 දෙනෙක් ජීවිතක්ෂයට පත්වූහ. තුවාල ලැබූ ගණන 150 කි. තුවාල ලැබූවන්ගෙන් 45 දෙනකුගේ තත්ත්වය බරපතළ යැයි රෝහල් ආරංචි මාර්ග පවසයි. ගැටුම හටගත්තේ ඊජිප්තුවේ මධ්‍යධරණී නගරයක් ලෙස සැලකෙන පෝට් සේඞ් නගරයේ පාපන්දු කී‍්‍රඩාංගණයේය. පාපන්දු තරගය පැවැත්වුණේ ‘අල් මස්රි’ සහ ‘අල් අහ්ලි’ යන කණ්ඩායම් දෙක අතරේය. අල් මස්රි සහ අල් අහ්ලි යනු ඊජිප්තුවේ වඩාත් ප‍්‍රකට පාපන්දු කණ්ඩායම් දෙකය. පෝට් සේඞ් නගරයේ  පාපන්දු පිල අල් මස්රි කණ්ඩායමයි. අල් අහ්ලි යනු කයිරෝ නුවර පාපන්දු කණ්ඩායමකි. පෙරේදා රාති‍්‍රයේ පැවැත්වුණේ ඊජිප්තු ලීග පාපන්දු තරගාවලියේ එක් තරගයකි. සිදුවූ ප‍්‍රචණ්ඩ කි‍්‍රයාවලින් පසු පාපන්දු තරගාවලිය අවලංගු කර දමා ඇතැයි ද වාර්තා වේ. තරගයෙන් වැඩි වාසි අත්වුණේ අල් අහ්ලි පිලටය. එහෙයින් කෝපයට පත් අල් මස්රි පිලේ කී‍්‍රඩාලෝලීන් කී‍්‍රඩාංගනයේ ආරක්ෂක නිලධාරීන් සහ පොලිස් නිලධාරීහු පෙරළා ගෙන පිටියට කඩා වැදී අල් අහ්ලි පිලේ කී‍්‍රඩකයන්ට පහර දෙන්න වූහ. එම අවස්ථාවේදී තරගය නැරැඹීමට පැමිණි අල් අහ්ලි පිලේ ආධාරකරුවෝ අල් මස්රි පිලේ කී‍්‍රඩාලෝලීන්ට පහර දෙන්න වූහ. ඔවුහු කී‍්‍රඩාංගණයට ගිනි තැබීමට ද පටන් ගත්හ. දෙපිරිස අතර ගැටුම උග‍්‍රවෙද්දී කී‍්‍රඩාංගණයට රැස්ව සිටි පිරිස අතරේ ලොකු තෙරපීමක් ද හට ගැනුණි. බොහෝ ජීවිත හානි සිදුවූයේ එම අවස්ථාවේදීය. කී‍්‍රඩාංගණයේ සිටි පොලිස් සහ ආරක්ෂක අංශ නිලධාරීන්ට තත්ත්වය පාලනය කර ගැනීමට නොහැකි වූ හෙයින් කැරැලි මර්දන පොලිස් බලඇණියක් ද කී‍්‍රඩා පිටියට පැමිණියේය. පාපන්දු තරග නිසා ඊජිප්තුවේ පමණක් නොව පාපන්දු කී‍්‍රඩාව ජනපි‍්‍රය වෙනත් රටවල පවා නිරන්තරයෙන් ප‍්‍රචණ්ඩ කි‍්‍රයා සිදුවේ. එහෙත් පෝට් සේඞ් කී‍්‍රඩාංගනයේ හටගත්තේ පා පන්දු කී‍්‍රඩා ලෝලීන් අතර සාමාන්‍ය ගැටුමක් නොව යුද්ධයක් බවත් කී‍්‍රඩංගණය එකම ලේ විලක් වූ බවත් ඊජිප්තු මාධ්‍ය වාර්තා කළේය. පාපන්දු කී‍්‍රඩා තරගයකදී මීට පෙර මෙවැනි ප‍්‍රචණ්ඩ කි‍්‍රයා වාර්තා වූයේ 1996 වසරේදී යැයි ඊජිප්තු රජය පවසයි. වසර 30 කට ආසන්න කාලයක් තිස්සේ බලයේ සිටි ජනාධිපති හොස්නි මුබාරක් ජනතා විරෝධතා හමුවේ බලයෙන් ඉවත් වීමෙන් පසු ඊජිප්තුව අරාජිත වී ඇතැයි දේශපාලන විචාරකයෝ පෙන්වා දෙති. කලහකාරීව හැසිරුණු පිරිස්. පාපන්දු ක‍්‍රීඩකයන්ට පොලිස් ආරක්‍ෂාව



අදහස් (0)

ඊජිප්තු පාපන්දු කී‍්‍රඩාංගණයක දරුණු ගැටුමකින් 75 ක් මියයති

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 233 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 756 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1175 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site