IMG-LOGO

2025 ජුලි මස 19 වන සෙනසුරාදා


ස්නෝව්ඩන්ගේ පියාට රුසියාවෙන් වීසා

ඇමෙරිකා රජය සහ සී.අයි.ඒ. බුද්ධි අංශය, එරට එන්.එස්.ඒ. හෙවත් ජාතික ආරක්ෂක ඒජන්සිය හරහා රහසේ සිදු කළ ඔත්තු බැලීමේ කටයුතු ලොවට හෙළි කළ ඇමෙරිකන් ජාතික එව්ඩව් ස්නෝව්ඩන්ගේ පියාට වීසා දීමට රුසියානු රජය ඊයේ (12) කැමැත්ත පළ කළේය.
 

ලොන් ස්නෝව්ඩන්

ඒ ගැන සතුට පළ කරමින් ඇමෙරිකාවේ ජීවත්වන ස්නෝව්ඩන්ගේ පියා, ලොන් ස්නෝව්ඩන් මාධ්‍ය හමුවේ කියා සිටියේ රුසියාවේ රැකවරණය ලබමින් වාසය කරන තම පුතු බැලීමට තමා හැකි ඉක්මනින් මොස්කව් නුවර බලා යන බවය.

රුසියානු රජය ස්නෝව්ඩන්ට රැකවරණ ලබා දීමට පියවර ගත් අවස්ථාවේදී, ලොන් ස්නෝව්ඩන් රුසියානු ජනපති ව්ලැඩිමීර් පුටින්ට ඒ ගැන ස්තුති කළේය. ඒ, රුසියානු පුවත් නාළිකාවක් සමඟ සම්මුඛ සාකච්ඡුාවකට එක් වුණු අවස්ථාවකදීය.

එම අවස්ථාවේදී ස්නෝව්ඩන් කියා සිටියේ, ඇමෙරිකාව විසින් දේශද්‍රෝහියකු යැයි හංවඩු ගසනු ලැබූ තම පුතුට පිහිට වීමට රුසියාව කැමැත්ත පළ කිරීම ගැන තමන් සතුටු වෙන බවය.

එන්.එස්.ඒ. ඒජන්තවරයකු ද වන 30 හැවිරිදි ස්නෝව්ඩන්, ඇමෙරිකා රජයේ ඔත්තු බැලීමේ රහස් මාධ්‍යවලට ප‍්‍රසිද්ධ කළේ ඇමෙරිකාවෙන් පිටවී හොංකොං දේශයට පැමිණීමෙන් පසුවය.

ඇමෙරිකා රාජ්‍ය දෙපාර්තමේන්තුව ඔහුට එරෙහිව චෝදනා ගොනු කර ඔහු අත්අඩංගුවට ගැනීමට තැත් කළ අවස්ථාවේදී ඔහු රුසියාවට පලා ගියේය. ඒ, රුසියානු රජයේ අනු දැනුම මතය.

මොස්කව් නුවරට පැමිණි පසු ස්නෝව්ඩන්ට මොස්කව් ගුවන් තොටුපොළක කොටු වීමට සිදුවිය. ඒ, ඇමෙරිකා රජය ඔහුගේ බලත‍්‍රය අහෝසි කිරීම නිසාය. ගුවන් බලපත‍්‍රය අවලංගු කර ඇති නිසා ඔහුට වෙනත් රටකට යෑමට හැකියාවක් නැත.

ස්නෝව්ඩන්, ලතින් ඇමෙරිකානු රටවලින් ආරක්ෂාව ඉල්ලූව ද ඔහුට එම ආරක්ෂාව නොලැබුණි. අවසානයේ දී රුසියාව ස්නෝව්ඩන්ට ආරක්ෂාව දීමට කැමැත්ත පළ කළේය.



අදහස් (0)

ස්නෝව්ඩන්ගේ පියාට රුසියාවෙන් වීසා

ද සිල්වා බෙර්ලින් Tuesday, 13 August 2013 06:35 PM

ඇමෙරිකාව රුසියාවට නිතරම නිතරම වැදී බන කියන නිසා රුසියාවෙන් ඇමෙරිකාවට ඇනපු ටොක්ක තමයි මේක. මේ නිර්භීත කොල්ල නිසා යුරෝපෙයේ සමහර මිත්‍ර පාක්ෂික රටවල් දැන් ඇමෙරිකාව දිහා බලන්නේ සැකයෙන්.(නදී)

:       0       0

චමත් Wednesday, 14 August 2013 11:23 PM

කරපු වැඩේ හොඳ උනත් නරක උනත් තමන්ගේ උපන් රටට ද්‍රෝහී උන අයෙක් ගෙන් වැඩක් නෑ.(අ)

:       0       0

උදය Wednesday, 14 August 2013 01:52 AM

විසි එක්‌ වන සියවසේ පළමු වැනි අන්තර් ජාතික වීරයා මොහුය. (නි)

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 403 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 564 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 232 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site