ඉන්දියන් සාගරයේ මැඩගස්කරය ආසන්න රියුනියන් දූපතේ වෙරළෙන් හමුවූ යානා කොටස අතුරුදන් වූ එම්.එච්. 370 යානයේ යැයි ස්ථිරවම කිව නොහැකියැයි යානය නිපදවූ ස්පාඤ්ඤ සමාගම පවසයි. ඔවුන් වැඩිදුරටත් කියා ඇත්තේ මේ කොටස බොයිං 777 යානයක බවයි. එසේ වුවද එය අතුරුදන් යානයේ බවට ස්ථිර කළ නොහැකියැයි ද එම සමාගම වාර්තා කැර ඇත.

මලයාසියානු අගමැතිවරයා සති කීපයකට පෙර පැහැදිලිවම ප්‍රකාශ කලේ මෙම කොටස් අතුරුදන් එම්එච් 370 යානයේ කොටස් බවයි. මේ සම්බන්ධයෙන් ප්‍රංශයේ පරික්ෂකයන් ද පැවසුවේ හමුවි ඇති කොටස් සම්බන්ධයෙන් ඉතාමත් ප්‍රබල විශ්වාසයක් තිබෙන බවත් කෙසේ වෙතත් මේබව තහවුරු කර ගැනීමට හමුවී ඇති කොටසේ යකඩ තහඩුවල විශ්වාසය පිලිබඳව වැඩිදුර පරික්ෂණ අවශ්‍ය බවයි.

පරීක්ෂණ පැවැත්වූ ස්පාඤ්ඤ සමාගම පවසන පරිදි සොයාගෙන ඇත්තේ ද බෝයින් 777 යානයක කොටසකි එම්එච් 370 ද බෝයින් 777 වර්ගයේ යානයකි. කෙසේ වෙතත් මෙම කොටස අතුරුදන් යානයේම කොටසක් දැයි ස්ථිරවම ප්‍රකාශකර නොහැකි බව එම සමාගම පැවසු බව සීඑන්එන් පුවත් සේවා වාර්තාවේ දැක්වේ.