ප්‍රභල භූ කම්පන මාලවකින් පසු හිම කඳු නාය යෑමෙන් මධ්‍යම ඉතාලියේ සුඛෝපභෝගී හෝටලයක  සිටි තිස් දෙනකු පමණ හිමවලට සහ සුන්බුන් වලට යට වී ඇතැයි ඉතාලිය කියයි.
 
 තිදෙනකුගේ සිරුරු සොයා ගනු ලැබූ බව ඉතාලි මාධ්‍ය වාර්තා කරයි.  සහන සේවකයන් ඒ ගැන ප්‍රතිචාරයක් නොදැක්වවත්  ඔවුන් කියනුයේ කිසිවකු ජීවතුන් අතර සිටීදැයි තවම සොයා බලන බවයි.
 
 ළමයින් දෙදෙනකු ද ඇතුළු තිස් දෙනකු පමණ එම අවස්ථාවේ හෝටලය තුළ සිටි බව කියති. කෙසේ වෙතත්   පැය විස්සකට පමණ පසු දෙදෙනකු සොයා ගත් අතර ඔවුන් ව්‍යසනය වන අවස්ථාවේ පිටතට සිට ඇත. ‘යම් දෙයක් ගැනීමට කාර් රථය අසලට ගිය නිසා මම ජීවතුන් අතර ඉන්නවා.‘ යැයි දිවි බේරා ගත් පුද්ගලයෙක් වෛද්‍ය කණ්ඩායමට කීවේය.
 
 ‘හෝටලය මුළුමණින්ම විනාශ වෙලයි තිබුණේ. අපි කතා කළා. ඒත් උත්තර හම්බුණේ නෑ. සද්ධයක් නෑ.‘ යැයි සහන සේවකයකු වන අන්ටෝනියෝ කීවේය. ‘අපි මිනිසුන් සොයා හාරා බලමින් ඉන්නේ.‘ යැයි මධ්‍යම අබෘසෝහි ග්‍රෑන් සසෝ කඳු පන්තියේ සිද්ධිය වූ ස්ථානයේ සිට දුරකතනයෙන් සම්බන්ධ වෙමින් ඔහු රොයිටර්ස් සමග පැවසීය.