ඉන්දියාවේ නවදිල්ලි නුවර පවතින වායු දූෂණය හේතුවෙන්, පාසල් සිසුන්ගේ සෞඛ්‍ය සම්බන්ධයෙන් අවධානය යොමුකරමින් මිලියන 5ක් පමණ මුඛ ආවරණ ඔවුන්ට නිකුත් කිරීමට ඉන්දීය රජය පියවර ගෙන තිබේ.

ඉන්දියාව මේ වනවිට මහජන සෞඛ්‍ය සම්බන්ධයෙන් හදිසි තත්වයක් ප්‍රකාශ කර ඇත. ඉන්දීය ශ්‍රේෂ්ඨාධිකරණය දිල්ලිය ඇතුළු ආසන්නතම ප්‍රාන්ත දෙකකට වායු දූෂණය සම්බන්ධයෙන්  කොන්දේසි කිහිපයක්ම පනවා තිබේ.

දිල්ලි නුවර පාසල් ලබන අඟහරුවාදා වනතුරු වසා දමා ඇත. නගරයේ සිදුකරන සියලු ඉදිකිරීම් කටයුතු තාවකාලිකව නවතා දමා ඇති අතර, ගිනි ආශ්‍රිත කටයුතුද තහනම් කර තිබේ.

දිල්ලි නගරය ‘ගෑස් කුටීරයක්’ බවට පත්ව ඇතැයි දිල්ලිහි ප්‍රධාන අමාත්‍යඅර්වින්ද් කෙජ්රිවාල් මහතා පවසයි.

ඉන්දියාවේ පැවැත්වීමට නියමිත ඉන්දු - බංගලාදේශ ක්‍රිකට් තරගය සඳහා ද වායු දූෂණයෙන් බාධා එල්ල වී තිබේ. බංග්ලාදේශ ක්‍රීඩකයින් මුඛ ආවරණ පැළඳගෙන පුහුණුවීම් කටයුතුවල යෙදෙමින් සිටිති.

පසුගිය වසරේදී ද ඉන්දියාවේ මෙවැනි ම ආකාරයේ වායු දූෂණ තත්වයක් ඇති වූ බවද, ස්වේච්ඡා සංගම් ජනයාට දහස් ගණන් මුඛ ආවරණ ලබාදුන් බවද වාර්තා වේ.

(බීබීසී ඇසුරිනි)
16844