ලිබියාවේ අගනුවර ට්‍රිපොලි ආසන්නයේ පිහිටි සරණාගත රැඳවුම් මධ්‍යස්ථානයකට එල්ල වූ ගුවන් ප්‍රහාරයකින් 40කට අධික පිරිසක් මියගොස් ඇතැයි එරට බලධාරීහු පවසති.
 
විශාල පිරිසක් තුවාල ලබා ඇති අතර මියගිය සංඛ්‍යාව තවදුරටත් ඉහළ යාමට ඉඩ ඇති බව සඳහන් වේ.
 
මියගිය බොහෝදෙනා අප්‍රිකානු ජාතිකයන් වන අතර මොවුන් ලිබියාවේ සිට හොර රහසේ යුරෝපයට ඇතුළුවීමේ බලාපොරොත්තුවෙන් පැමිණි පුද්ගලයින් බව මාධ්‍ය වාර්තා සඳහන් කරයි.
 
ප්‍රහාරය එල්ල වූ ස්ථානයේ රැඳවියන් 120ක් පමණ සිට ඇති අතර මෙම ටජෝරා රැඳවුම් මධ්‍යස්ථානයේ 600ක පමණ සරණාගතයින් පිරිසක් රැඳී සිටින බව පැවසේ. 
 
රජයේ අනුග්‍රහය සහිතව පවත්වාගෙන යන මෙවැනි මධ්‍යස්ථාන වල දහස්ගණන් පිරිස් රඳවා සිටිති. 
 
රජයට ප්‍රතිවිරුද්ධ හමුදා නායක ජෙනරාල් කලීෆා හෆ්ටා මෙම බෝම්බ ප්‍රහාරය සම්බන්දව ලිබියානු රජයේ හමුදාවට චෝදනා කරමින් ප්‍රකාශයක් නිකුත් කර ඇත.
 
(බීබීසී ඇසුරිණි - 085)