ලතින් ඇමෙරිකා රටවල රාජ්‍ය නායක සමුළුව බ්‍රසීලයේ බ්‍රසීලියා අගනුවරදී ආරම්භ විය. සමුළුවේ මුලසුන හොබවන්නේ බ්‍රසීල ජනාධිපති ලූලා ද සිල්වාය.

ලතින් ඇමෙරිකා කලාපයට අයත් රටවල් 12 නියෝජනය කරමින් ඒවායේ රාජ්‍ය නායකයෝ සමුළුවට සහභාගී වෙති. ඔවුන් ඉතා උණුසුම් අයුරින් පිළිගැනීමට ජනාධිපති ලූලා ද සිල්වා කටයුතු කළේය.

වෙනිසියුලා ජනාධිපති නිකලස් මදුරෝ ද සමුළුවට සහභාගී වෙයි.  ඇමෙරිකාවේ උදහසට ලක් වී සිටින රාජ්‍ය නායකයකු ලෙස සැලකිය හැකි මදුරෝ බ්‍රසීලය බලා පැමිණියේ වසර ගණනකට පසුවය.

බ්‍රසීලය සමඟ යහපත් සබඳතා පවත්වා ගෙන යෑම  සම්බන්ධයෙන් මදුරෝ සහ ලූලා ද සිල්වා අතරේ වෙනම සාකච්ඡා පැවැත්විණි.

(රොයිටර්)