දැඩි ආරක්ෂක රැකවල් මැද, අරාබි රටවල රාජ්‍ය නායකයන්ගේ ප‍්‍රධානත්වයෙන් අරාබි සමුළුව ඊයේ (29) ඉරාකයේ බැග්ඩෑඞ් නුවරදී ආරම්භ විය. සමුළුවට සහභාගී වූ රාජ්‍ය නායකයන්ගේ ආරක්ෂාවට ලක්ෂ පහක ආරක්ෂක බලඇණියක් බැග්ඩෑඞ් නුවරට යෙදවීමට ඉරාක බලධාරීන් කටයුතු කළ තිබුණි. නගරයේ සියලූම ජංගම දුරකතන ආයතන වසා දැමීමටත්, රාජ්‍ය නායකයන් පැමිණීමෙන් පසු ගුවන් තොටුපොළ තාවකාලිකව වසා දැමීමටත් ආරක්ෂක අංශ කටයුතු කර තිබුණි. මීට අමතරව නගරයේ මාර්ග රැසක් ද වසා දැමුණු අතර පැමිණි සෑම කෙනකුම සහ සෑම වාහනයක්ම සෝදිසි කෙරුණි. සමුළුව වෙනුවෙන් ඉරාක රජය, ඇමෙරිකන් ඩොලර් මිලියන 500 ක මුදලක් වැය කර ඇතැයි ද වාර්තා වේ. සමුළුවට සහභාගී වන අරාබි රාජ්‍ය නායකයන් සමඟ එක්සත් ජාතීන්ගේ මහ ලේකම් බෑන් කී මූන් ද ඊයේ උදෑසන බැග්ඩෑඞ් ගුවන් තොටුපොළට පැමිණියේය. සමුළුවේදී සිරියා අර්බුදයටත්, ඉරාන අර්බුදයටත් වැඩි අවධානයක් යොමු කෙරේ. මීට අමතරව ඊශ‍්‍රායල/පලස්තීන ගැටුම සම්බන්ධයෙන් ද සාකච්ඡා පැවැත්වේ.