සන්නද්ධ පිරිසක් තම නිල නිවසට කඩා වැදී තමන්ට පහර දුන්නේ යැයි සුඩානයේ කර්ටෝම් අගනුවර සිටින යුරෝපා සංගමයේ තානාපති ජෝසෙප් බොරෙල් පවසයි.

තානාපති ජෝසෙප් බොරෙල් මේ බව පවසා ඇත්තේ සිය ට්විටර් ගිණුම හරහාය. විදෙස් තානාපතිවරුන් සහ රාජ්‍ය තාන්ත්‍රිකයන්ගේ නිල නිවෙස්වලට කඩා වැදී ඔවුන්ට පහර දීම සහ හිරිහැර කිරීම ජාත්‍යන්තර නීති උල්ලංඝනය කිරීමක් යැයි ද තානාපති ජෝසෙප් බොරෙල් වැඩි දුරටත් පැහැදිලි කර ඇත.

මේ වනවිට සුඩානයේ පවතින ගැටුම්වලින් 200 දෙනකු මියගොස් ඇතැයි විදෙස් මාධ්‍ය පවසයි. තුවාල ලැබූ ගණන 2000 කට ආසන්න යැයි ද පැවැසෙයි.

සුඩානයේ ගැටුම් ආරම්භ වී ඇත්තේ 2021 වසරේ කුමන්ත්‍රණය කරමින් රටේ බලය අල්ලා ගත් හමුදාපතිවරයා සහ ඔහුගේ දෙවැනියා අතරේය.

(රොයිටර්)