ඇමෙරිකානු ජනාධිපති ජෝ බයිඩන් යුද, ආර්ථික සහ මානුෂීය ආධාර ලෙස ඇමෙරිකා එක්සත් ජනපද ඩොලර් බිලියන 33 මුදලක් යුක්රේනයට ලබා දිය යුතු බවට යෝජනාවක් කොංග්‍රසයට ඉදිරිපත් කර ඇත.

තීරණාත්මක මොහොතේ, යුක්රේනය රුසියානු හමුදාවන්ගෙන් ආරක්ෂා කර ගැනීම සඳහා ඉවහල් වන මෙම යෝජනාව කොංග්‍රස් මණ්ඩලය අනුමත කළ යුතු බව ද ජනාධිපති ජෝ බයිඩන් වැඩි දුරටත් පැහැදිලි කර තිබේ.

මෙම යෝජනාවෙන් යුද ආධාර සඳහා ඇමෙරිකා එක්සත් ජනපද  ඩොලර් බිලියන 20 ක මුදලක් ද, ආර්ථික ආධාර ලෙස ඩොලර් බිලියන 8.5 ක මුදලක් ද, මානුෂීය ආධාර ලෙස ඩොලර් බිලියන 3 ක මුදලක් ද යුක්රේනයට ලබා දීමට යෝජනා කර ඇත.

රුසියාව යුක්රේනයට ඒවා ඇති සෑම යුද ටැංකියකටම යුද ටැංකි නාශක අවි 10 ක් යුක්රේනයට ලබා දී ඇති බව ජනාධිපති බයිඩන් පැහැදිලි කර තිබේ.

මෙය ඇමෙරිකාව රුසියාවට පහරදීමක් නොවන අතර රුසියාවෙන් යුක්රේනයට එල්ල වන ප්‍රහාර හමුවේ තම රට ආරක්ෂා කර ගැනීමට ලබා දෙන උදව්වක් පමණක් බව ජනාධිපති බයිඩන් ප්‍රකාශ කළේය.

(රොයිටර්)