මියන්මාරයේ ප‍්‍රධාන විපක්ෂ කණ්ඩායම වන ප‍්‍රජාතන්ත‍්‍රවාදී ජාතික ලීගයේ නායිකාව ලෙස යළිත් වරක් අවුන් සාන් සූ කී පත් කෙරුණි. 
තම පක්ෂ නායිකාව ලෙස සූ කී පත් කර ගැනීමට ප‍්‍රජාතන්ත‍්‍රවාදී ජාතික ලීගයේ ජ්‍යෙෂ්ඨයන් තීරණය කළේ පෙරේදා (9) පැවැති එම පක්ෂ සමුළුවේදීය.
මියන්මාරයේ හමුදා පාලනයක් පැවැති අවධියේ දී පවා සූ කී ප‍්‍රජාතන්ත‍්‍රවාදී ජාතික ලීගයට නායනත්වය දුන්නාය. ඇය එම නායකත්වයෙන් ඉවත් වූයේ 2010 වසරේ දී මියන්මාරයේ පැවැති මහ මැතිවරණයට පෙරය.
සූ කී නිවාස අඩස්සියේ සිටි නිසා ඇයට එම මැතිවරණයට ඉදිරිපත් වීමට නොහැකි විය. ඇය පක්ෂ නායකත්වයෙන් ඉවත් වූයේ එම අවස්ථාවේදීය. 
 2015 වසරේ දී මියන්මාරයේ පැවැත්වීමට නියමිත මහ මැතිවරණයේදී සූ කී විපක්ෂ නායිකාව ලෙස තරග කිරීමට සූදානමින් සිටී.