විවාහ උත්සවය සම්භාෂණ ආදී උත්සව සදහා බ්‍රිතාන්‍යය පාර්ලිමේන්තු ගොඩනැගිල්ල භාවිතා කිරීමේ අවසරය ජනතාව වෙත ලබා දීමට එරට බළධාරීන් සැරසේ.

බ්‍රිතාන්‍යය පාර්ලිමේන්තුව පිහිටි වෙස්මිනිස්ටර් මන්දිරයේ කාමර 15 ක් මෙසේ පොදු ජනයා සදහා වෙන්කිරීමට නියමිතය.අවශ්‍ය වේලාවට මුදල් ගෙවා මෙම කාමර වෙන්කර ගත හැකි වනසේ වැඩපිළිවෙලක් සකස් කරන බව බළධාරීන් කියයි.මෙම කාමර 15 අතරට වින්ස්ටන් චර්චිල් භාවිතා කරන ලද කෑම කාමරය,අගමැතිනී මාග්‍රට් තැචර් රැස්වීම් සදහා භාවිතා කළ කාමරය ඇතුලූ ඓතිහාසික වටිනාකමක් ඇති කාමරද ඇතුළත්ය.

පෙර පාර්ලිමේන්තු ගොඩනැගිල්ලේ සම්පූර්ණ අයිතිය හිමිව තිබුණේ පාර්ලිමෙන්තු මන්ත්‍රීවරුන්ටම පමණි.එය එසේ නොවිය යුතුයැයි තීරණය කර ඇති බළධාරීන් මන්ත්‍රීවරුන් තෝරා පත්කර ගන්නා ජනතාවටත් පාර්ලිමේන්තු ගොඩනැගිල්ල භාවිතා කිරීමේ අයිතිය එකසේ හිමිවිය යුතුයැයි කියයි.

අය කෙරෙන ගාස්තු කොපමණ වේදැයි මෙතෙක් තිරණය කර නොමැති අතර නුදුරේදීම ගාස්තු ක්‍රමයකුත් ඇතිකිරීමට සැළැසුම් කැර තිබේ.