ඊශ‍්‍රායල හමුදා සෙබළුන් සහ පලස්තීන වැසියන් අතර ඊයේ (3) බටහිර ඉවුරේ හටගත් දරුණු ගැටුමකින් 10 දෙනෙක් තුවාල ලැබූහ.
තුවාල ලැබූවේ පලස්තීන වැසියන්ය. ගැටුම හට ගත්තේ ඊශ‍්‍රායල සෙබළුන් පලස්තීන තරුණයන් කිහිප දෙනකු අත්අඩංගුවට ගනිද්දීය.
බටහිර ඉවුර යනු පලස්තීන පාලන ප‍්‍රදේශයකි. ඊශ‍්‍රායල හමුදා හමාස් සටන්කාමීන් සොයා එම වැටැලීම කළේ එළවළු වෙළෙන්ඳන් ලෙස වෙස්වලා ගෙනය. වැටැලීම සිදුවුණේ බටහිර ඉවුරේ උතුරින් පිහිටි ප‍්‍රදේශයකය.
ඊශ‍්‍රායල හමුදා බටහිර ඉවුරේ මේ අයුරින් වැටැලීම් සිදු කරන්නේ පලස්තීන රජයේත් එරට ආරක්ෂක අංශවලත් සහාය ඇතිවය. එහෙත් ඊයේ සිදුකළ එම වැටැලීම පලස්තීන රජයට හෝ ආරක්ෂක අංශවලට හෝ දැනුම් දී නොතිබුණි.
පලස්තීනය යනු සරණාගත රාජ්‍යයකි. පලස්තීනුවන් ජීවත් වන්නේ ගාසා තීරය යනුවෙන් හැඳින්වෙන කුඩා බිම් තීරුවේ සහ බටහිර ඉවුරේය.
ගාසා තීරය හමාස් පාලනයට යටත් වන අතර පලස්තීන අගමැති මොහොමඞ් අබ්බාස් ප‍්‍රමුඛ ෆාටා සංවිධානය විසින් පාලනය කරනු ලබන්නේ බටහිර ඉවුරය.