පෙන්ටගනයේ ආරක්ෂක මාණ්ඩලික ප්‍රධානී වන රියර් අද්මිරාල්  කෙවින් ස්වේනි  මහතා  ඉල්ලා අස් වී තිබේ.

ආරක්ෂක ලේකම් වන ජේම්ස් මැට්ස් මහතා මෙය  නිල වශයෙන් ප්‍රකාශ කර ඇතැයි මාධ්‍ය වාර්තා කරයි.

 ‘ නැවතත් පෞද්ගලික අංශ වෙත යාම සුදුසු යැයි‘  සිය ඉවත් යාමත් සමඟ  ආරක්ෂක මාණ්ඩලික ප්‍රධානීවරයා  පවසා ඇතැයිද  කියයි.

ඇමෙරිකානු ජනාධිපති ඩොනල්ඩ් ට්‍රම්ප් මහතා  එක්සත් ජනපද හමුදාව සිරියාවෙන් ඉවත් කර ගන්නා බවට ගත් තීරණය සමඟ ඔහු මෙම තීරණය ගෙන ඇත. ජනාධිපතිවරයාගේ එම තීරණයත් සමඟ මෙලෙස පිටත්ව යන තුවැනි නිලධාරීයා ලෙස  එරට මාධ්‍ය  ස්වෙනි මහතා හඳුන්වා තිබිණි.

ඔහුගේ  සමකාලීනයන් සමඟ එකට වැඩකටයුතු කිරීමට ලැබීම ගෞරවයක්  බව ඔහු  සිය ඉල්ලා අස්වීමේ ලිපියේ වැඩි දුරටත් සඳහන් කර ඇතැත් ජනාධිපති ඩොනල්ඩ් ට්‍රම්ප් මහතා ගැන එහි කිසිදු සඳහනක් නැතැයි ද වාර්තාවේ.

 2017 ජනවාරි මාසයේ සිට  රියර් අද්මිරාල් කෙවින් ස්වේනි මහතා ආරක්ෂක මාණ්ඩලික ප්‍රධානියා ලෙස මේ වන තුරුම කටයුතු කළේය.

( බී බී සී ඇසුරෙනි)

  ( 36698)