අප‍්‍රිකා රටක් වන නයිජීරියාවේ කි‍්‍රස්තියානි දේවස්ථාන ඉලක්ක කර ගනිමින් පෙරේදා (9) සවස අධි බලැති කාර් බෝම්බ දෙකක් පුපුරා ගිය අතර එයින් පුද්ගලයෝ 36 දෙනෙක් ජීවිතක්ෂයට පත්වූහ. තුවාල ලබා රෝහල් ගත කළ ගණන 120 කි. ඒ අතරින් 35 දෙනකුගේ තත්ත්වය බරපතළ බවත් මරණ සංඛ්‍යාව තවත් ඉහළ යා හැකි බවත් නයිජීරියා බලධාරීහු පවසති. බෝම්බ පුපුරා ගියේ මධ්‍යම නයිජීරියාවේ හෝස් නගරයේ සහ උතුරින් පිහිටි කඩූනා නගරයේය. පාස්කු ඉරිදා දිනය වූ හෙයින් පෙරේදා කි‍්‍රස්තියානි දේවස්ථාන බැතිමතුන්ගෙන් පිරී තිබුණි. ප‍්‍රහාරයේ වගකීම බෝහෝ හරාම් ඉස්ලාමීය සටන්කාමීන් විසින් බාර ගනු ලැබ ඇත. නයිජීරියාවේ ප‍්‍රචණ්ඩ කි‍්‍රයා අවුළුවන්නෝ බෝහෝ හරාම් සටන්කාමීහුය. ඔවුන් අල් කයිඩා සංවිධානය සමඟ ද සබඳතා පවත් වන බව වාර්තා වේ. පසුගිව වසරේ නත්තල් දා ද කඩූනා නගරයේ කි‍්‍රස්තියානි බැතිමතුන් ඉලක්ක කර ගනිමින් බෝහෝ හරාම් සටන්කාමීහු දරුණු ප‍්‍රහාරයක් එල්ල කළහ. පාස්කු ඉරිදා ද එවැනිම ප‍්‍රහාරයක් එල්ල වේවි යැයි බියක් හටගෙන තිබුණු හෙයින් කි‍්‍රස්තියානි දේවස්ථානවලට විශේෂ පොලිස් ආරක්ෂාවක් යොදා තිබුණු බවද වාර්තා වෙයි.