ආක්ටික් කලාපයේ විශාල දූපතක් ලෙස සැලකෙන ග්‍රීන්ලන්තය මිලදීගෙන එය ඇමෙරිකාවට එක් කර ගැනීමට ඩොනල්ඩ් ට්‍රම්ප් යළි සූදානම් වෙයි. ට්‍රම්ප් මෙම යෝජනාව ගෙන ආවේ 2019 වසරේදී ඔහු පළමු වරට ඇමෙරිකන් ජනාධිපති ලෙස කටයුතු කරමින් සිටිද්දීය.

ට්‍රම්ප් දෙවැනිවර ධුරයේ දිවුරුම් දෙන්නේ ලබන 2025 වසරේ ජනවාරි 20 වැනිදාය. 

ට්‍රම්ප් දිගින් දිගටම අවධාරණය කර ඇත්තේ ග්‍රීන්ලන්තය මිලදී ගැනීමේ අදහස අත්හැර නැති බවය. ග්‍රීන්ලන්තය දිගින් දිගටම ට්‍රම්ප්ට පෙන්වා දී ඇත්තේ, ග්‍රීන්ලන්තය අයිති ග්‍රීන්ලන්ත වැසියන්ට පමණක් බවය.

ග්‍රීන්ලන්තය යනු ඩෙන්මාර්කයට අයත්, ඩෙන්මාර්ක පාලනය යටතේ පවතින විශාල දූපතකි. ඇමෙරිකන් කඳවුරු ගණනාවක් මෙහි පිහිටුවා ඇත. ඇමෙරිකානුවන්ට යුරෝපයට යා හැකි කෙටිම මාර්ගය ලෙස සැලකෙන්නේ ද ග්‍රීන්ලන්තය හරහාය.