තව දුරටත් ‘කොවිඩ් 19’ ආසාදිතයකු නොවන බව තහවුරු වීමෙන් අනතුරුව, ඇමෙරිකා ජනාධිපති ජෝ බයිඩන්ගේ නිරෝධායන කාලසීමාව අවසන් විය.

අවසන් වෛද්‍ය පරීක්ෂණ දෙකෙන් ම 79 හැවිරිදි බයිඩන් ‘කොවිඩ් 19’ ආසාදිතයකු නොවන බව තහවුරු වීමෙන් පසු, ඔහුගේ නිරෝධායන කාලය අවසන් වන බව ධවල මන්දිර වෛද්‍ය කෙවින් ඕ කොනර් නිකුත් කළ නිවේදනයක දැක්වෙයි.

බයිඩන් පළමුවෙන් ‘කොවිඩ් 19’ ආසාදිතයකු වූයේ ජූලි 21 වැනිදාය. ඉන්පසු සතියක් යද්දී බයිඩන් දෙවැනි වරටත් ආසාදිතයකු බවට පත් විය.

ඒ අනුව, ධවල මන්දිරයේ නිරෝධායනය වෙමින් සිය රාජකාරි කිරීමට බයිඩන්ට සිදුවිය. බයිඩන්ට ඊයේ (7) ධවල මන්දිරයෙන් පිටවීමට ඉඩ ලැබුණේ මාස දෙකක නිරෝධායන කාලයකින් පසුව යැයි ද පැවැසෙයි.

(ඒ.එෆ්.පී.)