ඇල්බේනියාවේ TikTok තහනම් කිරීමට එරට රජය පියවර ගෙන ඇත. ඒ වසරක කාලයක් සඳහාය.

TikTok සමාජ මාධ්‍ය හරහා කුඩා දරුවන්ට එල්ල වී ඇති බලපෑම සැලකිල්ලට ගනිමින් වසරක කාලයක් TikTok තහනම් කරන බව රජය නිකුත් කළ නිවේදනයක දැක්වෙයි.

මෙම තහනම ලබන ජනවාරි මාසයේ සිට ආරම්භ වන බව ද එම නිවේදනයෙක් වැඩි දුරටත් සඳහන් වෙයි.

මෙම තහනමට හේතු වී ඇත්තේ, ඇල්බේනියාවේ පාසලක TikTok මුල් කොට ගනිමින්, 14 හැවිරිදි සිසුවකුට සිදුකළ පිහි ඇනුම් සිද්ධියකි. එම පිහි ප්‍රහාරයෙන් දරුවා මියගියේය.

කෙසේ නමුත්, TikTok තහනම පිළිබඳව ඇල්බේනියානු රජයෙන් පුළුල් පැහැදිලි කිරීමක් අපේක්ෂා කරන බව TikTok ජාලය ඉල්ලීමක් කර ඇත.

මියගිය එම 14 හැවිරිදි පාසල් සිසුවාට හෝ පිහි ප්‍රහාරය එල්ල කළ තැනැත්තාට, TikTok ගිණුම් තිබූ බවට කිසිදු සාක්ෂියක් හමු නොවූ බව සමාගම පෙන්වා දී ඇත.