පැරිස් ගිවිසුමෙන් ඇමරිකාව ඉවත් කරගැනීම සඳහා ලේඛන සකස් කළ බව ට්‍රම්ප් පරිපාලනය පවසයි.

දේශගුණික විපර්යාසයන්ට එරෙහිව සටන් කිරීම සඳහා වන ගෝලීය ගිවිසුම ලෙස හැඳින්වෙන පැරිස් ගිවිසුමෙන් ඉවත්වීම සඳහා ඇමරිකාව සැලසුම් සකස් කළ වසරක ක්‍රියාවලියේ පළමු විධිමත් පියවර මෙය බව සඳහන් වේ.

මෙම පියවර කර්මාන්ත ක්ෂේත්‍රය සම්බන්ධව ට්‍රම්ප් පරිපාලනයේ පුළුල් උපායමාර්ගික සැලැස්මක් බව විචාරකයෝ පවසති.

එහෙත් විද්‍යාඥයින් සහ බොහෝ ලෝක නායකයින් ඉල්ලා සිටින්නේ ගෝලීය උෂ්ණත්වය ඉහළ යෑමේ දරුණු බලපෑම් වලින් වළක්වා ගැනීම සඳහා කඩිනම් පියවර ගන්නා ලෙසයි.

ලෝකයේ ඉහළම හරිතාගාර වායු විමෝචකයා සහ ප්‍රමුඛ තෙල් හා ගෑස් නිෂ්පාදකයකු වන ඇමරිකාව මෙම ගිවිසුමෙන් ඉවත්ව ගියහොත් ගිවිසුමෙන් පිටත ඇති එවැනි එකම රට බවට පත්වෙනු ඇත.

එක්සත් ජනපද රාජ්‍ය ලේකම් මයික් පොම්පියෝ මෙම පියවර සනාථ කළ අතර යුරෝපා සංගමය ඇමෙරිකාවේ මෙම පියවර සම්බන්ධව ඔවුන්ගේ දැඩි කනස්සල්ල පලකර ඇත.

(රොයිටර් පුවත් ඇසුරිණි - 085)