දකුණු අපි‍්‍රකාව නියෝජනය කරමින් ඔලිම්පික් ධාවන තරගවලට සහභාගී වූ ‘බ්ලේඞ් රනර්’ නමින් ප‍්‍රසිද්ධ ඔස්කා පිස්ටෝරියස් සිය පෙම්වතියට වෙඩි තැබීමේ චෝදනාව මත ඊයේ(14) පොලිස් අත්අඩංගුවට පත් විය. 
ප‍්‍රිටෝරියාහි පිහිටි පිස්ටෝරියස්ගේ නිවසේදී මෙම වෙඩිතැබීම සිදුව තිබේ. සිද්ධිය වූ වහාම එම ස්ථානයට ගිය පොලිස් නිලධාරීන්ට දැකගත හැකි වූයේ වෙඩිවැදුණු තිස් හැවිරිදි කාන්තාවගේ දිවිගලවා ගැනීමට උත්සාහ ගන්නා වෛද්‍ය බලධාරීන්ය. 
වෙඩිවැදී බරපතළ තුවාල ලැබ ජීවිතක්ෂයට පත්වූ ඇය අසල තිබී මිලිමීටර් 9 පිස්තෝලයක් සොයා ගත් පොලිස් නිලධාරීන් විසිහය හැවිරිදි පිස්ටෝරියස් ද අත්අඩංගුවට ගත්හ. 
සිද්ධිය සම්බන්ධයෙන් පිස්ටොරියස්ගේ පියාගෙන් විමසූ අවස්ථාවේදී ඔහු පවසා ඇත්තේ නිවසට අනවසරයෙන් ඇතුළුවීමට උත්සාහ ගත් තැනැත්තෙක් ලෙස සිතා ඔහු සිය පෙම්වතියට වෙඩිතබා ඇති බවයි. ඔලිම්පික් මලල කී‍්‍රඩා තරගවලට එක්වූ පළමු ආබාධිත කී‍්‍රඩකයා වන්නේ ද ඔස්කා පිස්ටෝරියස්ය. ඒ 2012 ඔලිම්පික් තරගාවලිය දකුණු අපි‍්‍රකානු මලල කී‍්‍රඩා කණ්ඩායම නියෝජනය කිරීමත් සමඟය.