මාලදිවයින් රජයට විරෝධය දැක්වීම සඳහා කලහකාරීව හැසිරුණු විරෝධතාකරුවෝ අසූදෙදෙනෙක් පෙරේදා (21) මාලේ නුවරදී අත්අඩංගුවට ගනු ලැබූහ. මේ වනවිට රට පුරා රාජ්ය විරෝධී කැරැල්ලක් පැතිර යෑමට පටන් ගෙන ඇති බවත් එම කැරැල්ල මෙහෙයවන්නේ ආගමීක අන්තවාදීන් බවත් මාලදිවයින ජනාධිපති මොහොමඞ් නෂීඞ් චෝදනා කරයි. විරෝධතාකරුවන් රජයට එරෙහි උද්ඝෝෂණ ආරම්භ කළේ ඉකුත් බ්රහස්පතින්දා (19) සිටය. පෙරේදා උදෑසන සියයකට වැඩි විරෝධතාකරුවන් පිරිසක්, මැලේ අගනුවරට රැස්වී කලහකාරීව හැසිරෙමින්, රාජ්ය දේපොළවලට පහර දී අලාභහානි කිරීමටත් ගිනි තැබීමටත් පටන් ගත්හ. ඔවුහු රජයේ ඇමැතිවරයකුගේ නිවසකට ගිනි තබා, රාජ්ය රූපවාහිනී ආයතනයට කඩා වැදී එහි මාධ්යවේදීන් සය දෙනකුට පහර දුන්හ. කලහකාරී පිරිස මර්දනය කිරීමට කැරැලි මර්දන පොලිස් නිලධාරීන් යෙදවීමට රජයට සිදුවූයේ එම අවස්ථාවේදීය. පොලිසිය පැමිණ විරෝධතාකරුවන් විසුරුවා හැරීමට උත්සාහ ගනිද්දී ඔවුහු පොලිස් නිලධාරීන්ට පහර දී පොලිසියේ ජීප් රථ දෙකක් ගිනිබත් කළහ. එම අවස්ථාවේදී පොලිසිය කඳුළු ගෑස් ප්රහාරයක් එල්ල කර විරෝධතාකරුවන් විසුරුවා හැරීමටත් කලහකාරීව හැසිරුණු පිරිස් අත්අඩංගුවට ගැනීමටත් පියවර ගත් බව මාලදිවයිනේ ප්රධාන විපක්ෂ දේශපාලන කණ්ඩායමේ ප්රකාශක මොහොමඞ් ෂරීෆ් පවසයි. කෙසේ නමුත් අත්අඩංගුවට ගත් පිරිස පැය කීපයකට පසු මුදාහැරිය බවද වාර්තා විය. මාලදිවයිනේ මේ අයුරින් රාජ්ය විරෝධී උද්ඝෝෂණ රැුල්ලක් ආරම්භ වුණේ, එරට අපරාධ අධිකරණයේ විනිසුරුවරයකු අත්අඩංගුවට ගන්නැයි ජනාධිපති නෂීඞ්, පොලිසියට අණදීමෙන් පසුවය. රජයට විරුද්ධ චූදිතයන්ට විශේෂ සැලැකිල්ලක් දක්වන බවට එම විනිසුරුවරයාට එරෙහිව චෝදනා එල්ල වී ඇත. මීට අමතරව මාලදිවයිනේ ප්රධාන විපක්ෂ කණ්ඩායම වන ‘දිවේහි ක්වමී’ පක්ෂයේ ප්රධාන පෙළේ දේශපාලනඥ මොහොමඞ් ජමීල් ද අත්අඩංගුවට ගැනීමට ජනාධිපති නෂීඞ් කටයුතු කර තිබේ. ජමීල් අත්අඩංගුවට ගැනුණේ ඉකුත් සතියේ බදාදා (18) ය. හිටපු අධිකරණ ඇමැතිවරයකු ද වන ඔහු අත්අඩංගුවට ගැනුණේ ජනතාව කුපිත කරවන අයුරින් දේශන පැවැත්වීම නිසාය. ජනාධිපති නෂීද් මාලදිවයිනේ වෙසෙන යුදෙව් සහ කි්රස්තියානි පාදිලිවරුන්ගේ පදේට නටන බවට ජමීල් පවසා ඇත. ජනාධිපති නෂීඞ් පවසන්නේ ජමීල් ආගමීක අන්තවාදීන් සමඟ එක්වී රට අවස්ථාවර කිරීමටත් ආගමික ගැටුම් ඇති කිරීමටත් උත්සාහ ගන්නා බවය.
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මාලදිවයින් විරෝධතාකරුවෝ 82 ක් පොලිස් අත්අඩංගුවේ