කැනඩාවේ, අවුරුදු 12 ත් 15 ත් අතර වයස් කාණ්ඩයේ දරුවන්ට ‘ෆයිසර්’ ප්රතිශක්තිකරණ එන්නත ලබා දීම ඊයේ (5) සිට ආරම්භ විය.
අවුරුදු 12 ත් 15 ත් වයස් කාණ්ඩයේ දරුවන්ට කොරෝනා ප්රතිශක්තිකරණ එන්නතක් ලබා දීමට පියවර ගත් පළමු රට කැනඩාය.
‘ෆයිසර්’ ප්රතිශක්තිකරණ එන්නත අවුරුදු 16 ට වැඩි ඕනෑම කෙනකුට සුදුසු යැයි ‘ෆයිසර්’ ආයතනය පෙන්වා දී ඇති අතර, කැනඩාවේ, ඇමෙරිකාවේ සහ මහා බ්රිතාන්යයේ මේ වනවිටත් අවුරුදු 16 ට වැඩි ඕනෑම අයකුට එන්නත ලබා දීම සිදුවෙයි. කොරෝනා වයිරසයට එරෙහිව මෙතෙක් නිපදවා ඇති අතුරු ආබාධ අඩු, සාර්ථක එන්නත ලෙස සැලකෙන්නේ මෙම ‘ෆයිසර්’ එන්නතය.
මේ වනවිට කැනඩාවේ කොරෝනා ආසාදිතයන් ගණන මිලියන 1.2 කි. එයින් සියයට 20 ක් අවුරුදු 19 ට අඩු දරුවන් යැයි සෞඛ්ය අංශ පෙන්වා දෙයි. ඒ අනුව, සෞඛ්ය බලධාරීන්ගේ නිර්දේශය වූයේ කඩිනමින්, අවුරුදු 12 ත් 15 ත් වයස් කාණ්ඩයේ දරුවන්ට එන්නත ලබා දිය යුතු බවය.
කැනඩාවේ එන්නත්කරණ වැඩසටහනට එන්නත් කීපයක් යොදා ගැනෙයි. ‘ෆයිසර්’, ‘මොඩර්නා’, ‘ඔක්ස්ෆර්ඩ් ඇස්ට්රාසෙනකා’ සහ ‘ජොන්සන් ඇන්ඩ් ජොන්සන්’ යනු එම එන්නත්ය.
රුධිර කැටි ගැසීමේ බියක් පවතින බැවින්, ‘ඔක්ස්ෆර්ඩ් ඇස්ට්රාසෙනකා’ සහ 'ජොන්සන් ඇන්ඩ් ජොන්සන්' එන්නත් ලබා ගැනීමට කැනඩා වැසියෝ මැලිකමක් දක්වති.
කැනඩා අග්රාමාත්ය ජස්ටින් ටෘඩෝ සහ බිරිඳ පසුගිය දා ලබා ගත්තේ මෙම ‘ඔක්ස්ෆර්ඩ් ඇස්ට්රාසෙනකා’ එන්නතය. ඒ, එය ලබා ගැනීමට බිය නොවන්නැයි කැනඩා වැසියන්ට පවසමිනි.
කැනඩාවේ එන්නත්කරණ වැඩසටහන ආරම්භ කළ දා පටන් එය සිදුවන්නේ ඉතා මන්දගාමීව ය. ඊට එක් හේතුවක් වී ඇත්තේ ප්රමාණවත් තරම් එන්නත් එරටට නොලැබීමය.
මේ වනවිට ‘ෆයිසර්’, ‘මොඩර්නා’, ‘ඔක්ස්ෆර්ඩ් ඇස්ට්රාසෙනකා’යන එන්නත්වල පළමු මාත්රාව ලබාගෙන ඇත්තේ කැනඩා වැසියන්ගෙන් සියයට 34 ක ප්රතිශතයක් පමණි.
‘ෆයිසර්’ එන්නත නිපදවන්නේ ඇමෙරිකාවේ ‘ෆයිසර්’ ඖෂධ නිෂ්පාදන සමාගමය. ඒ, ජර්මනියේ ‘බයෝ ඇන්ටෙක්’ සමාගම සමඟ අත්වැල් බැඳ ගනිමිනි. මාත්රා දෙකකින් යුත් ‘ෆයිසර්’ එන්නත සියයට 95 ක් සාර්ථක බව පැවැසෙයි.
නව විකෘති වයිරස ප්රභේදවලට එරෙහිව ද ‘ෆයිසර්’ එන්නත සාර්ථක ප්රතිඵල පෙන්නුම් කරන බවත්, එම විකෘති ප්රභේදවලින් ආරක්ෂා වීමට නම් මාත්රා 3 ක් ලබා ගැනීම කළ යුතු බව ‘ෆයිසර්’ වෛද්ය පර්යේෂකවරු පෙන්වා දෙති.
මේ අතර ඇමෙරිකා එක්සත් ජනපදය මෙන්ම මහා බ්රිතාන්යය ද එම රටවල අවුරුදු 12 ත් 15 ත් වයස් කාණ්ඩයේ දරුවන්ට 'ෆයිසර්' එන්නත් ලබා දීම සූදානමින්සිටින බව වාර්තා වේ.
ඇමෙරිකන් ජනාධිපති ජෝ බයිඩන් පසුගිය දා මාධ්ය හමුවතක් කැඳවමින් කියා සිටියේ, ලබන ජූලි 4 වැනිදා ඇමෙරිකානුවන් නිදහස් දිනය සමරද්දී, එරට වැසියන්ගෙන් සියයට 70 කට එන්නත් දී අවසන් කිරීමට බලාපොරොත්තු වන බවය
ඔන්ටෙරියෝහිදීය (රොයිටර්)
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කැනඩාවේ අවුරුදු 12 ත් 15 ත් දරුවන්ට ’ෆයිසර්’ එන්නත