එසැණ පුවත්

එතෙරින් එන අයට ගෙදරම නිරෝධායනය ඉල්ලා ස.ජ.බ පාරට බසී

විදෙස්ගතව සිට පැමිණෙන ශ්‍රී ලාංකිකයනට නිවෙස්වල නිරෝධායනයවීමේ අවස්ථාව ලබා දෙන්නැයි ඉල්ලමින් සමගි ජන බලවේගය සංවිධානය කළ උද්ඝෝෂණයක් කොළඹ දී අද පස්වරුවේ පැවැත්විණි.

19 March 2021

ප්‍රධාන මාර්ගයේ දුම්රිය ප්‍රමාදයක්

මාතර සිට මහනුවර බලා ධාවනය වන සීග්‍රගාමි දුම්රිය කාර්මික දෝෂයකට ලක් වීම නිසා ප්‍රධාන මාර්ගයේ කාර්යාල දුම්රිය රැසක් ප්‍රමාද වීම නිසා මගීහු දැඩි අපහසුතාවයට පත්ව සිටිති.

19 March 2021

ආන්දෝලනාත්මක ප්‍රකාශයක් කළ විජයකලාට නීතිපති උපදෙස් නෑ

එල්. ටී. ටී. ඊ. සංවිධානය නැවත ගෙන ආ යුතු බවට ආන්දෝලනාත්මක ප‍්‍රකාශයක් කළැයි කියන සිද්ධියට අදාළ සැකකාර කාන්තා සහ ළමා කටයුතු හිටපු රාජ්‍ය ඇමතිනී පාර්ලිමේන්තු මන්තී‍්‍ර විජයකලා මහේෂ්වරන් මහත්මිය සම්බන්ධ නඩුවට උපදෙස් ලබාදෙන ලෙස කොළඹ ප‍්‍රධාන මහේස්ත‍්‍රාත් බුද්ධික ශ්‍රී රාගල මහතා නිතිපතිවරයාට යළි සිහිකැදවීමක් කළේය.

19 March 2021

බත්තරමුල්ලේ වැඩිහිටි නිවාසයකින් කොරෝනා අසාදිතයෝ 58 ක්

බත්තරමුල්ල වික්‍රමසිංහපුර වැඩිහිටි නිවාසයකින් කොවිඩ් අසාදිතයින් 58 දෙනකු හමුවී ඇතැයි සෞඛ්‍ය අංශ ප්‍රධානීහු කියති.

19 March 2021

තරුණයන්ගේ පරිසර සිතුවම පොලිසිය ගලවයි

සොබාදහම සුරැකීමේ සංගමය නියෝජනය කරමින් පරිසර සංවිධාන කිහිපයක තරුණ තරුණියන් පිරිසක් කොළඹ නෙළුම් පොකුණ රඟහල ඉදිරිපිට විහාර මහා දේවි උද්‍යානයේ සවිකර තිබූ දැවැන්ත සිතුවමක් ඉවත් කිරීමට පොලිස් පරිසර කොට්ඨාශය අද (19) කටයුතු කළ අවස්ථාවේදී එම තරුණ තරුණියන්ගෙන් දැඩි විරෝධයක් එල්ල විය.

19 March 2021

පළාත් පාලන ඇමැතිගෙන් පැෆරල් කළ ඉල්ලීම

පළාත් පාලන ආයතන සඳහා නව ඡන්ද ක්‍රමයක් සකස් කීරීම සඳහා නිර්දේශ ඉදිරිපත් කිරීමට පත් කර ඇති කමිටුවට අදහස් හා යෝජනා බාරගැනීමේ කාලය මේ මස 31 වැනිදා තෙක් දක්වා දීර්ඝ කරන්නැයි පැෆරල් සංවිධානය පළාත් සභා සහ පළාත් පාලන ඇමැතිවරයාගෙන් ඉල්ලීමක් කර තිබේ.

19 March 2021

නලීන් බණ්ඩාරට එරෙහිව රාජ්‍ය බුද්ධි ප්‍රධානීගෙන් සීඅයිඩීයට පැමිණිල්ලක්

පාර්ලිමේන්තු මන්ත්‍රී නලීන් බණ්ඩාර මහතාට එරෙහිව රාජ්‍ය බුද්ධි ප්‍රධානී මේජර් ජෙනරාල් සුරේෂ් සලේ මහතා අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

19 March 2021

අපරාධකරුවන් වර්ග කර රැඳවීමට යයි

අපරාධකරුවන් වාර්ගීකරණය කර වෙන්කර රැඳවීමේ නව වැඩ පිළිවෙළක් සියලුම බන්ධනාගාරවල ළඟදීම අරඹන බව වන්ධනාගාර කළමනාකරණ සහ සිරකරුවන් පුනරුත්ථාපනය කිරීම පිළිබඳ රාජ්‍ය අමාත්‍ය ලොහාන් රත්වත්තේ මහතා පවසයි.

19 March 2021

රවී ඇතුළු පිරිස 25 අධිකරණයට කැඳවන්නැයි නියෝග

බැඳුම්කර වංචාවෙන් රජයට රුපියල් කෝටි ගණනක් පාඩුවක් කළැයි චෝදනා පවරා ඇති නඩුව සදහා අධිකරණයට ඉදිරිපත් නොකළ හිටපු මුදල් අමාත්‍ය රවි කරුණානායක මහතා ඇතුළු විත්තිකරුවන් සිව්දෙනකු ලබන 25 වැනිදා අධිකරණයට ඉදිරිපත් කරන ලෙස ත්‍රිපුද්ගල මහාධිකරණ විනිසුරු මඩුල්ල බන්ධනාගාර අධිකාරීවරයාට අද (19) නියම කළේය.

19 March 2021

අලුත් අවුරුද්දට කොරෝනා නීති අලුත් වෙයි

එළඹෙන සිංහල - හින්දු අලුත් අවුරුද්ද ඉලක්ක කර නව සෞඛ්‍ය මාර්ගෝපදේශන මාලාවක් ළඟදීම නිකුත් කිරීමට පියවර ගන්නා බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසයි.

19 March 2021

රෝහිත අබේගුණවර්ධන නිදහස්

ඇමැතිවරයකු ලෙස කටයුතු කළ වසර හතරක කාලයේ රුපියල් කෝටි හතරකට අධික මුදල් හා දේපොළ සොයාගත් බවට අල්ලස් කොමිසම, අමාත්‍ය රෝහිත අබේගුණවර්ධන මහතාට එරෙහිව පවරා තිබූ නඩුවෙන් ඔහු නිදහස් කළේය.

19 March 2021

අධ්‍යාපන අමාත්‍යංශය ඉදිරිපිට විරෝධතාවක්

ඉල්ලීම් කිහිපයක් මුල් කරගනිමින් ගුරු සංගම් ‍ දෙකක් බත්තරමුල්ල අධ්‍යාපන අමාත්‍යංශය ඉදිරිපිට අද ( 19) උද්ඝෝෂණ දෙකක් අරඹා තිබේ.

19 March 2021

ජාතික පරිසර පනතට නව වගන්ති 42ක්

ජාතික පරිසර පනත නව වගන්ති 42ක් ඇතුළත් කරමින් සංශෝධනය කිරීමට පරිසර අමාත්‍යාංශය තීරණය කර තිබේ.

19 March 2021

නරක්වූ සහල් කවන්න බැරි වෙයි

කාණ්ඩ අංකය, නිෂ්පාදිත දිනය සහ කල්ඉකුත් දින වෙනස් කර අලෙවියට සූදානම් කර තිබූ සහල් කිලෝ 5500ක් කැකිරාව තිබ්බටුවැව සහල් නිෂ්පාදන ආයතනයක තිබී සොයාගත් බව පාරිභෝගික සේවා අධිකාරයේ අනුරාධපුර දිස්ත්‍රික් කාර්යාලය කියයි.

19 March 2021

මස්කෙළියේ හින්දු කෝවිලක් තාවකාලිකව වහයි

මස්කෙළියේ හින්දු දේවාලයක පුජකවරයා ඇතුළු සිව් දෙනකු කොරෝනා ආසාදිතයින් ලෙස හඳුනා ගැනීමෙන් එම හින්දු දේවාලය තාවකාලිකව වසා දැමීමට උපදෙස් ලබා දුන් බව මස්කෙළිය මහජන සෞඛ්‍ය පරික්ෂක එන්. නරේන්ද්‍රන් මහතා පැවසීය.

19 March 2021

කුඩු පලහිලව්වෙන් තරුණයකු මරුට

අයිස් මත්ද්‍රව්‍ය මිලදී ගෙන එම මුදල් සම්බන්ධයෙන් ඇතිවූ ආරවුලක් දුරදිග යාමෙන් 19 හැවිරිදි තරුණයකුට පිහියෙන් ඇන ඝාතනය කර ඇතැයි ග්‍රෑන්පාස් පොලිසිය කියයි.

19 March 2021

ශ්‍රී ලංකන් ගුවන් සේවයට වූ පාඩුව මකන්න යයි

ශ්‍රී ලංකන් ගුවන් සේවයට 2011 සිට 2014 දක්වා කාලයේ ගුවන් යානා මිලදී ගැනීමේදී පාඩු සිදු කර ඇතැයි කියන සිද්ධියක් සම්බන්ධයෙන් ඇමෙරිකා ඩොලර් බිලියනයක් (රුපියල් කෝටි 20,000ක) වන්දි ලබා ගැනීම සඳහා ජාත්‍යන්තර අධිකරණයේ නඩු පැවැරීමට තීරණය කර ඇතැයි ශ්‍රී ලංකන් ගුවන් සමාගමේ ජ්‍යෙෂ්ඨ ප්‍රකාශකයෙක් කීය

19 March 2021

වී ගන්න වැඩේ-ජයට යන හැඩ

(අංජුල මහික වීරරත්න) මෙට්‍රික් ටොන් ලක්ෂ තුනක වී සංචිතයක් පවත්වා ගැනීම සඳහා අරඹා ඇති වී මිලදී ගැනීමේ ජාතික වැඩසටහන දිවයින පුරා සාර්ථකව ක්‍රියාත්මක බව කෘෂිකර්ම අමාත්‍ය මහින්දානන්ද අලුත්ගමගේ මහතා පවසයි.

19 March 2021

‘‘සිලනිකාට‘‘ ඉඩක් දෙන්න ගසේ හිමිකරු සූදානමින්

මධ්‍යම අධිවේගී මාර්ගයේ ඉදිකිරීම් කටයුතුවලදී හමුවූ කෲඩියා සිලනිකා ශාකය තම ඉඩමේ රෝපණය කරන්නැයි ඒ ආසන්නයේ පදිංචිකරුවකු වන එම්. අයි. එච්. එස්. මුණසිංහ මහතා, ජනාධිපති ගෝඨාභය රාජපක්ෂ මහතා වෙත ලිපියක් යවමින් ඉල්ල සිටියි.

19 March 2021

‘‘වෙළෙඳපොළේ ටයර් හිඟයක්‘‘

මෙරට වෙළෙඳපොලේ ටයර්වල හිඟයක් පවතින බව ටයර් අළෙවිකරුවෝ සහ වාහන හිමිකරුවෝ පවසති.

18 March 2021

සිංහරාජ හෝට⁣ලේ⁣ ගැටලුව ඇමැතිට

හෝටලයක් ඉදිකිරීමේ සුදානමක් ඇතැයි කියන සිංහරාජ වනාන්තරයට අයත් ඉඩමේ ඔප්පුවල නිරවද්‍යතාවය පිළිබඳ පුර්ණ විමර්ශණයක් කිරීම කෙරෙහි අවධානය යොමු වී ඇතැයි පරිසර අමාත්‍ය මහින්ද අමරවීර මහතා පවසයි.

18 March 2021

නිරෝධානය කාලය දින හතකට අඩුවෙයි

කොවිඩ් එන්නත ලබානොගෙන විදේශයන්හි සිට ශ්‍රී ලංකාවට පැමිනෙන පුද්ගලයින් හෝටල්වල නිරෝධායනය විය යුතු දින 14 ක කාලය දින හතක් දක්වා අඩු කිරීමට සෞඛ්‍ය ප්‍රධානීන් තීරණය කර තිබේ.

18 March 2021

බුදුපිළිම කැඩූ ඉන්දීය ජාතිකයාට සැඟවෙන්න බැරිවෙයි

රත්මලේවත් නුගේබෝධිය අසල බුදු පිළිම කීපයක සිරස කඩා දැමීම සම්බන්ධයෙන් ඉන්දීය ජාතිකයකු සැකපිට අත්අඩංගුවට ගත් බව කුලියාපිටිය පොලිසිය කියයි.

18 March 2021

උසස් පෙළ ප්‍රතිඵල අවුරුදු නිවාඩුවට පෙර

අධ්‍යාපන පොදු සහතික පත්‍ර උසස් පෙළ 2020 - විභාගයේ ප්‍රතිඵළ අලුත් අවුරුදු නිවාඩුවට පෙර නිකුත් කිරීමට අපෙක්ෂා කරන බව අධ්‍යාපන අමාත්‍යංශය සඳහන් කරයි.

18 March 2021

තාරකා ඉබ්බන් සඟවන්න බැරිවෙයි

කිදු බලපත්‍රයක් හෝ නොමැතිව දුර්ලභ ගණයේ තාරකා ඉබ්බන් 28 ක් සමඟ පුද්ගලයෙක් අත්තිඩිය වනජීවි කාර්යාලීය නිලධාරීන් විසින් අත්අඩංගුවට ගනු ලැබීය.

18 March 2021

බොරු පැමිණිල්ලක් කර අමාරුවේ වැටෙයි

පැහැරගෙන ගොස් රඳවා තබාගෙන පහර දී දෙයත් පුළුස්සා දැමූ බව කියමින් මාධ්‍යවේදීයකු ඉදිරිපත්කර තිබූ පැමිණිල්ල අසත්‍ය පැමිණිල්ලක් බවට කොළඹ අපරාධ කොට්ඨාසය කළ පරීක්සණයකදී අනාවරණය වූ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

18 March 2021

පිළිකා රෝගීන්ටත් කොරෝනා එන්නත

මහරගම අපේක්‍ෂා රෝහලේ ප්‍රතිකාර ලබන රෝගීන්ට කොවිඩ් එන්නත ලබාදීමට සැලසුම් කර ඇතැයි එහි අධ්‍යක්‍ෂ වෛද්‍ය වසන්ත දිසානායක මහතා පවසයි.

18 March 2021

ඇමැති තුනක් මාදිවෙලින් යන්න පොදි බඳිති

ඇමැතිවරුන් හැටියට ලැබුණු රජයේ නිල නිවාසවල පදිංචිව සිටිමින් මාදිවෙල මන්ත්‍රි නිල නිවාස ද භාවිත කරන ඇමැතිවරයකු හා රාජ්‍ය ඇමැතිවරුන් දෙදෙනකු මන්ත්‍රි නිල නිවාසවලින් හැකි ඉක්මණින් ඉවත්වන බව පාර්ලිමේන්තු නිලධාරීනට දැනුම් දී ඇතැයි ආරංචි මාර්ග කියයි.

18 March 2021