IMG-LOGO

2025 මැයි මස 11 වන ඉරිදා


ආයෝජක මුවාවෙන් එන ජාවාරම්කරුවන්ට ඉඩ නොදෙනු

‘‘හොර පාස්පෝට්වලින් ආ තිදෙනෙක් ඇමැතිවරයකුගේ අණින් මුදා හැරෙති’’ යන හිසින්, නිසි ගමන් බලපත්‍රයක් රහිත විදේශිකයකු හට රටට ඇතුළුවීමට අවසර දීම සඳහා ඉහත කී අමාත්‍යවරයා බලපෑම් කර ඇති පුවත නොබෝදා අප පුවත්පතේ පළවිය. එක් චීන ජාතිකයකු ඉදිරිපත් කළ විදේශ ගමන් බලපත්‍රය අප්‍රිකාවේ ගිනි රාජ්‍යයේ එකක් බව ආගමන විගමන නිලධාරීන් තහවුරු කරගෙන තිබූ බව ද එම පුවතේ දැක්වේ.

චීන ජාතිකයා සම්බන්ධ සිද්ධියේ දී කිසිවකුට බලපෑම් නොකළ බවත් ඔහු රට තුළට ගැනීමට සලකා බලන ලෙස ලිඛිත ඉල්ලීමක් කළ බවත් රාජ්‍ය අමාත්‍යවරයා මේ වන විට පිළිගෙන තිබේ. මේ අතර රාජ්‍ය අමාත්‍යවරයකු මැදිහත් වී හොර පාස්පෝට් කාරයන් තිදෙනකු මුදාහැරීම වරදක් බවට ඇමති ටිරාන් අලස් කළ ප්‍රකාශයක් 23 වැනිදා අප පුවත්පතේ පළවිය. චීන  ජාතිකයා ආයෝජකයකු බැවින් එම ඉල්ලීම කළ බව අරුන්දික ඇමැතිවරයා ප්‍රකාශ කොට ඇත.

මෙම සිද්ධිය ජාත්‍යන්තර වශයෙන් පිළිගත් නීතියකට අත පෙවීමක් බව පැහැදිලිව පෙනී යයි. චීන විදේශ ගමන් බලපත්‍ර හිමියන් ලංකාවට ඇතුළු වන්නේ නම් ඉලෙක්ට්‍රොනික් ගමන් අවසරය (Electronic Travel Authorisation) ලබා ගත යුතු බව අන්තර්ජාල උපදෙස් වල පැහැදිලිව දක්වා තිබේ. 

සාමාන්‍ය චීන  වැසියකු කෙසේ වෙතත් ජාත්‍යන්තර වශයෙන් වගකිව යුතු ආයෝජකයකු මෙරටට පැමිණෙන්නේ නම් ඔහු රටට පිවිසීමට අදාළ මූලික නීතිය දැනගත් අයකු වීම ඉතා වැදගත්ය. ඇමතිවරුන් ගේ අනුදැනුම යටතේ මේ රටට දැන් ගෙන්වා ගන්නේ ඒ තරමින් වත් වගකීමක් නැති ආයෝජකයන් දැයි මෙහිදී පැනයක් මතු වේ. 

මෙකී චීන ජාතිකයා ගිනී රාජ්‍යයේ බව ඇඟවෙන ව්‍යාජ ගමන් බල පත්‍රයක් ඉදිරිපත් කිරීම ආගමන විගමන නිලධාරීන්ගේ සැකයට භාජන වීම නිසා, එකී ගමන් බලපත්‍ර ඉදිරිපත් කළ තැනැත්තා ප්‍රශ්න කිරීමට ලක් කිරීම තම රාජකාරිය උනන්දුවෙන් කිරීමට උත්සුක වීමකි. ගිනි රාජ්‍ය ගමන් බලපත්‍රයකින් මෙරටට පැමිණෙන්නේ නම් කොන්සියුලර් වීසා අවශ්‍ය බව අන්තර්ජාලයේ පැහැදිලිව දැක්වේ. චීන ජාතිකයාට එකී වීසා අවසරය  තිබුණේ ද යන්න දැන ගන්නට නැත.

මහජන ආරක්ෂක අමාත්‍යවරයා ප්‍රකාශ කර ඇත්තේ හොර පාස්පෝට් කාරයන් මුදාහැරිය නිලධාරීන්ට එරෙහිව පියවර ගන්නා බවයි.රාජ්‍ය නිලධාරීන්ට අදාළ විනය නීති රාජ්‍ය අමාත්‍යවරුනට  අදාළ නොවේද යන ගැටලුව මෙහිදී රට රටවැසියන්ට පැනනැගේ. මේ රටට ආයෝජන සිදු කිරීමේ මුවාවෙන් පැමිණෙන අයට නීතිය ලිහිල් කළ යුතුය යන අදහස අමාත්‍යවරයාගේ ප්‍රකාශයෙන් ඇඟ වෙයි. 

විදේශිකයන් මෙරටට පැමිණීමට  අදාළ වූ පිළිගත් රාජ්‍ය තාන්ත්‍රික ක්‍රමවේදයක් ඇත.ඊට අතපොවන්නට ඉඩ තැබීම ඉදිරියට පවත්වා ගත යුතු හොඳ පූර්වාදර්ශයක් නොවේ. විදේශ ගමන් බලපත්‍ර සම්බන්ධ නීතිය කිසිදු අතපෙවීම කින් තොරව නිර්මලව  ක්‍රියාත්මක විය යුත්තකි. එසේ නොකළ හොත් එය ජාත්‍යන්තර ජාවාරම්කරුවන්ට, මත්ද්‍රව්‍ය ප්‍රවාහකයන්ට, ජාත්‍යන්තර නීති කඩ කරන්නන්ට හා මුදල් විශුද්ධ කරණයේ යෙදෙන්නන්ට මේ රටට පැමිණීමට කරන ආරාධනයක් හා සමාන වේ. විශේෂයෙන් මෙරටට පැමිණෙන  කවුරු වුවත් ඔහුගේ අනන්‍යතාව අපගේ ඊට අදාළ නීතිය ක්‍රියාත්මක කරන නිලධාරීන් දැනගත යුත්තකි.

එම නිසා මෙම සිද්ධිය සම්බන්ධයෙන් ගන්නා ලද පියවර ප්‍රසිද්ධ කිරීම අතිශය වැදගත් වෙයි. මෙරටට නිසි ගමන් බලපත්‍රයක්, /අවසර පත්‍රයක් නොමැතිව පැමිණි ආයෝජකයා යයි පවසන පුද්ගලයා කිනම් කර්මාන්තයක් උදෙසා ආයෝජනය කිරීමට පැමිණියේ ද? අමාත්‍යවරයා ඔහු සමඟ තිබී ඇත්තේ කිනම් ස්වභාවයේ,  දැන හැඳුනුම්කමක් ද යන්න පොදු ජනයාගේ දැනගැනීම උදෙසා ප්‍රසිද්ධ කිරීම වැදගත් වන්නේ මෙරට සිදුවන ආයෝජන සම්බන්ධයෙන් විනිවිද භාවයක් පැවතිය යුතු නිසාය.

මෙරටට පැමිණෙන ආයෝජකයන් සම්බන්ධයෙන් පහසුකම් සැලසිය යුතු බව සැබෑය. එහෙත් එසේ කළ යුත්තේ ඔවුන්ගේ අනන්‍යතාව සඟවා තැබීමට සහයෝගය දීමෙන් නො වේ. ආයෝජකයන්ට පහසුකම් සැලසිය යුත්තේ ඔවුන්ගේ ආයෝජනවලට අදාළ  අනුමැතිය දීමේ දී කල් නොමරා  කටයුතු කිරීමෙනි. 

ඔවුන්ට අදාළ අනුමැතීන් එකම කවුන්ටරයකින්  ක්ෂණිකව ලබාදෙන්නට ආයෝජන මණ්ඩලය උත්සාහ දැරුවද එම කාර්යය මෙතෙක් ඉටු වී නැත. 

රටේ අපනයන නැංවීමේ දී  ආයෝජකයන්ට පහසුකම් සැලසීම අනිවාර්යයෙන් ම කළ යුත්තකි. අනුමැතී ගැනීමේදී  පළාත් පාලන ආයතනවලට සම්බන්ධ මන්ත්‍රීවරුන්ට පවා අල්ලස් දීමට සිදු වූ අවස්ථා ගැන ආයෝජකයන් පවසා තිබුණි. එහෙත් ගමන් බලපත්‍රයක් හරිහැටි නැති, තමන්ගේ අනන්‍යතාව හෙළි නොකරන ආයෝජකයන්ගෙන් මෙරට ආර්ථිකයට වැඩදායි ආයෝජන සිදු වේ යයි කෙසේ නම් බලාපොරොත්තු තබන්නද? 

(***) 



අදහස් (2)

ආයෝජක මුවාවෙන් එන ජාවාරම්කරුවන්ට ඉඩ නොදෙනු

Sunil Thursday, 25 May 2023 02:09 PM

මේ කාලකණ්ණි ඇමැතිවරුන්ම තමයි රට තවත් විනාශ කරන්නේ. ඔවුන්ට පිනාධිපතිගේ අනුග්‍රහයත් නොඅඩුවම ලැබෙනවා.

:       0       20

de silva Friday, 26 May 2023 10:09 AM

මෙපමණ විනාශයක් වෙලා, රටේ මිනිස්සුන්ගෙන් ගුටිකාලා, ගෙවල් ගිනිබත් වුණත් මේ පොහොට්ටු කාරයින් තවම කිසිම පාඩමක් ඉගෙනගෙන නැත..

:       0       12

ඔබේ අදහස් එවන්න

 

 
 

විශේෂාංග

ළමයින්ට මුල් තැන දෙන්න
2024 ඔක්තෝබර් මස 01 366 0

ශ්‍රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා


කෑලි කැඩුණු උතුරේ දේශපාලනය
2024 සැප්තැම්බර් මස 11 1295 1

රටේ අන් පෙදෙස්වල දේශපාලනය සේම උතුරේ දේශපාලනය ද දෙකඩ වී තිබේ. උතුරේ ප්‍රධාන දේශපාලන පක්ෂය වන දෙමළ ජාතික සන්ධානය දෙකඩ වූයේ පළමුව එහි සෙසු පක්ෂ ප්‍රධාන පක


රනිල්ගේ සම්පූර්ණ ප්‍රතිපත්ති ප්‍රකාශය මෙන්න
2024 සැප්තැම්බර් මස 03 762 0

ජීවන වියදම සහ ජීවන බර අඩු කිරීමට නම් කළ යුත්තේ රට පල්ලම් බැසීමේ වේගයට තිරිංග තමා රට දියුණු වීමේ වේගය වැඩි කිරීම බව ජනාධිපති රනිල් වික්‍රමසිංහ මහතා’’ පු


අපෙක්ෂකයන්ගේ කැරට් කතා
2024 අගෝස්තු මස 30 1095 5

ජනාධිපතිවරණ තරගය, මැතිවරණ කොමිසම නිල වශයෙන් ප්‍රකාශ කිරීමට මාස කිහිපයකට පෙර සිටම අඩු වැඩි වශයෙන් ආරම්භ වූ අතර, සියලුම අපේක්ෂකයන්ගෙන් සුරංගනා කතා දැන්


මාලිමාව රට හදන්නේ මෙහෙමයි
2024 අගෝස්තු මස 28 1912 6

ජාතික ජන බලවේගය සිය ජනාධිපතිවරණ ප්‍රතිපත්ති ප්‍රකාශය පෙරේදා (26) එළිදැක්වීමට පියවර ගත්තේය. එය නම් කර ඇත්තේ, “පොහොසත් රටක් ලස්සන ජීවිතයක්”‍ යනුවෙනි.


ඉන්දියාව සහ චීනය දිනවන ලංකාවේ ඡන්ද
2024 අගෝස්තු මස 27 1462 0

ජනාධිපතිවරණයක දී මුලින්ම විදේශයක මුද්‍රණය කරන ලද පෝස්ටර් කලඑළි බැස්සේ රණසිංහ ප්‍රේමදාස ජනාධිපතිවරයා ජනපති සටන මෙහෙයවනවාත් සමගය. රණසිංහ ප්‍රේමදාස අ


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 804 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1402 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 359 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site