IMG-LOGO

2024 පෙබරවාරි මස 26 වන සඳුදා


ජීවිත රැසක් බේරාගත් වීරයා ඩොම්

 

නැති කාලෙටත් මිනිසුන් හඬවන වැඩියෙන් ලැබෙන කාලයටත් මිනිසුන් හඬවන, වැස්ස.... මේ දිනවල නම් දිවයිනේ හැම තැනටම  වැඩියෙන් ලැබෙමින් පවතී.


නායයෑම්, ජල ගැලීම්, මාර්ග වැසෙන සේ පස් ගස් හා ගල් කඩාවැටී අවහිරවීම් හැමදාමත් වාර්තා වෙයි. අධික වැසි ලැබීමත් අධික මීදුමත් ඇතැම් ප්‍රදේශවල මේ දිනවල කාලගුණික තත්ත්වයයි.


ඉකුත් 20 වැනිදා උදෑසන හපුතලේ ග්ලෙනෝර් වත්තටද උදාවූයේ මීදුමින්  වැසුණු වැසිබර හිමිදිරියකි. ග්ලෙනෝර් වත්තේ දහවැනි කොටසේ  කම්කරු නිවාසවල ජීවත්වෙන පවුල් ගණන 34 කි.


පාසල් සිසුහු පාසල් යාමට ලෑස්ති වෙමින් සිටියහ. වැඩිහිටියෝ  වත්තේ වැඩට යාමට සූදානම් වෙමින්  සිටියහ. එකවරම මහා කලබැගෑනියකි. නාය යනවා.... නාය යනවා.... කෑගසමින් නිවැසියෝ නිවෙස්වලින් එළියට පැනගත්හ.


මේ අවදානම මුලින්ම පෙන්වා දී ඇත්තේ, “ඩෝමි” නමැති සුරතල් සුනඛයෙකි. ඩෝමි ජීවත් වෙන්නේ මෙම ස්ථානයේ කම්කරු නිවාසයකය. ස්වාමියා වන සුප්පයියා චන්ද්‍රසේකරන් සිද්ධිය විස්තර කිරීමට පෙර ඩෝමි  ගැන කිව්වේය.


“පුතා ඉස්කෝලෙ ගිහින් එද්දි පාර අයිනෙ හඬ හඬා හිටිය පැටිය  උස්සාගෙන ඇවිත් තිබුණා. අපි ආදරෙන් ඇති දැඩි කළා. දැන් වයස අවුරුදු එකහමාරයි. අපි රොටී කෑවට එයා රොටීවලට කැමති නැහැ. බත් තමයි කන්නේ. කොහේ ගියත් අපේ පස්සෙන් එනවා. ත්‍රීවීලරයක ගියොත් ඒකටත් නගිනවා. බස් එකකට ගියොත් බස් එකට නගිනකල්ම ඉඳල ආපසු  ගෙදර යනවා. වැඩිපුරම ඉන්නේ ගේ අස්සේ. වත්තේ. කවුරුත් මෙයාට ආදරෙයි.”


චන්ද්‍රසේකරන් ආඩම්බර ඉරියව්වෙන් යළි කතාව පටන් ගත්තේය.


“උදේ 6.20 ට විතර ඩෝමි බුර බුරා පහළ පැත්තට දුවනවා. ආපසු ගෙට දුවනවා. මගේ පොඩි පුතයි අල්ලපු ගෙදර ආච්චියි ගිහින් ඒ පැත්ත බල බල ඉන්න කොට ආයෙත් බල්ලා ඒ පැත්තට බුර බුරා මොකක්දෝ කියනවා. ඒ එක්කම අපේ මල්ලි කෙනත් උඩ පැත්තේ ඉඳල ආවා. එයා කිව්වා අන්න අර බලන්න නායක් යනවා කියලා. 


අපි බලා සිටියදී පොළො​ෙව කොටසක් ගිලා බසිමින් පහළට ඇදී ගෙන ගියා. අපි කෑගහලා අවට අයට කිව්වා නායක් යනවා කියලා. අපි ඔක්කොම කෝවිලට දුවගෙන ගිහින් වත්තේ මහත්තයට දැනුම් දුන්නා. වත්තේ මහත්තයා නිලධාරි දැනුවත් කිරීමෙන් පසු ඔවුන් ඇවිත් එම ස්ථානයේ පදිංචි පවුල් 34 කට ඉවත් වෙන්න කියලා වත්තේ ඉස්කෝලේ නතර කළා” යැයි චන්ද්‍රසේකරන් කීවේය.


හල්දුම්මුල්ල මෙන්ම හපුතලේද, බදුල්ල දිස්ත්‍රික්කයද නාය අවදානම් ප්‍රදේශ අතරින් ප්‍රම්‍රඛ වෙන බවට හඳුනාගෙන ඇතැයි බදුල්ල දිස්ත්‍රික් ලේකම් ප්‍රභාත් අබේවර්ධන මහතා පවසයි.

 


හපුතලේ නායයාම්, ක්ෂණික දියඇලි කඩාවැටීම්, හදිසි සැඩදිය පහර ගලා යාම් වැනි ආපදා සිදුවීමට ප්‍රධාන හේතුව තංගමලේ අභය භූමියට ලැබෙන අධික වැසි යැයි අනුමාන කරන බව ජාතික ගොඩනැගිලි පර්යේෂණ සංවිධානයේ භූ විද්‍යාඥ හර්ෂණී පෙරේරා මහත්මිය පවසයි. ග්ලෙනෝර් වත්තේ තත්ත්වයද අවදානම් බව හර්ෂණී මහත්මිය අවධාරණය කළාය.


මිනිසුන් ඉව කරන්නේ විපතක් සිදුවීමෙන් පසුය. එවිට සිදුවිය හැකි විපත සිදුවී අවසන්ය. එහෙත් සතුන් ඉව කරන්නේ විපතක් වීමට කලිනි. එය මිනිසාගේ ආරක්ෂාවටද හේතුවෙන බව මේ සිද්ධියෙන් පැහැදිලිවෙයි.
නාය අවදානම මුලින්ම හඳුනාගත් ඩෝමි දැන් වීරයෙකි. වත්තේ කම්කරුවන් අතරේද ජනප්‍රිය චරිතයකි. ඩෝමි දැක ගැනීම සඳහා වත්තේ ජනතාව පමණක් නොව අවට ගම්මානවල ජනයාද පැමිණෙමින් සිටිති.

 

 

සටහන හා ඡායාරූප 
■ බදුල්ලේ පාලිත ආරියවංශ



අදහස් (0)

ජීවිත රැසක් බේරාගත් වීරයා ඩොම්

ඔබේ අදහස් එවන්න

තක්සලාව

facebook මිත්‍රයාට 20 යි
2024 පෙබරවාරි මස 10 73 0

මීට වසර 20 කට පෙර මුහුණු පොත ආරම්භ වූ ආකාරය දෙස බලන විට ලොව ජනප්‍රියතම සමාජ මාධ්‍ය ජාලය බවට පත්වන තෙක් පැමිණි ගමන ඇතැමෙකුට විශ්වාස කිරීමට තරමක් අපහසුය.


වගකීමට වඩා වගවීම අදහන අතිරේක ලේකම්වරිය
2024 පෙබරවාරි මස 10 145 0

බුද්ධිමත් ශක්තිමත් ගැහැනිය සාම්ප්‍රදායික ස්ත්‍රී භූමිකාව නමැති වැට කඩුල්ලෙන් කොටු වී සිටින්නේ නැත. එසේ සිටියහොත් තමාට රඟ පාන්නට හැකි වෙනත් භූමිකා ප


මනෝරත්නයි - මමයි එක බෝඩිමේ - එක ඇඳේ නිදාගත්තේ
2024 පෙබරවාරි මස 10 199 0

එදිරිවීර සරච්චන්ද්‍ර ඉස්සෙල්ලම මුණගැහෙන මොහොත ගැන කතා කරමු අපි.


තමාගත් ඡායාරූප දැක රණවිරුවා කම්පාවෙයි
2024 පෙබරවාරි මස 10 277 0

දින කිහිපයක් ඇවෑමෙන් සෙබළ සූරියබණ්ඩාර කෑගල්ල නගරය වෙත යන ලද්දේ එහි වූ ස්ටුඩියෝවෙන් තම ඡායාරූප ලබා ගැනීමේ අරමුණිනි. එහිදී ඔහුට 36 කොඩැක් සේයා පටලයෙන් මා


ලොව විශාලතම සැප නැව
2024 පෙබරවාරි මස 03 164 0

අතමිට සරු නම්, අත දිගහැර විසි කිරීමට මුදල් ඇති නම්, සැප නැවක නැගී, ලෝකය වටා සංචාරය කිරීම තරම් තවත් අපූරු දෙයක් නැත. සැප නැව්වල නැගී දින ගණනක් හෝ මාස ගණනක් හ


හොඳම ළමා පොත් තිබුණේ ඉස්සරද ?
2024 පෙබරවාරි මස 03 55 0

ළමයින් වෙනුවෙන් ලියැවුණු පොත්පත් ගැන කතාකරනකොට ගොඩක් වෙලාවට කියවෙන දෙයක් තමයි අපි පොඩි කාලෙ අපිට කියවන්න ලැබුණු ළමා පොත් වගේ පොත් දැන් ළමයින්ට ලැබෙන


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 283 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 301 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 303 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site