IMG-LOGO

2025 මැයි මස 09 වන සිකුරාදා


ක්‍රීඩා ඇමතිගේ අමුතු තීරණ

‘වැටත් නියරත් ගොයම් කා නම්, කාට කියන්නද ඒ අමාරුව’ ලෙස කියමනක් මෙරට ගැමි වහරේ තිබේ. වර්තමානයේ මෙරට ක්‍රීඩාව සම්බන්ධයෙන් ද එම කියමනට වඩාත් ගැළපෙන සිද්ධීන් රැසක් පසුගිය සති කීපයේ දකින්නට, අසන්නට ලැබුණි.

ක්‍රීඩා හා තරුණ අමාත්‍ය සුනිල් කුමාර ගමගේ මහතා ප්‍රමුඛ ක්‍රීඩා අමාත්‍යංශයේ ඉහළ නිලධාරීන් ගත් අමුතු තීරණ සමස්ත ක්‍රීඩාවටම හානියක් ගෙනදුන් බව අමුතුවෙන් කිවයුතු නොවේ. 

මෙරට ආර්ථිකය ඇතුළු සමස්ත රටම අගාධයෙන් ගොඩගැනීමට මෙරට ජනතාව එක මිටට පත්කළ ජනාධිපති අනුර කුමාර දිසානායක මහතාගේ ආණ්ඩුවෙන් ජනතාව මෙවැනි තීරණයන් කිසිසේත්ම බලාපොරොත්තු නොවූහ. 

ක්‍රීඩා අමාත්‍යංශය මෑතකදී ගත් අමුතු තීරණ අතර ජාතික ක්‍රීඩා සභාවට පත්කළ ඇතැම් නිලධාරීන් සහ රග්බි ක්‍රීඩාව සම්බන්ධයෙන් එළඹි සහ එළඹෙමින් තිබෙන තීරණ වඩාත් කැපීපෙනුණි.  

මෙරට ජනප්‍රියම ක්‍රීඩා අතර ක්‍රිකට් සහ රග්බි යන ක්‍රීඩා දෙකට ප්‍රමුඛතාවක් හිමිවේ. ක්‍රිකට් සහ රග්බි යන ක්‍රීඩාවල පරිපාලනයට මීට පෙර ක්‍රීඩා ඇමතිවරු ලෙස පත්වූ බොහෝ අය ද ‘කුඩම්මාගේ’ සැලකිල්ල දැක්වූහ. ඒ අතරින් රග්බි පරිපාලනය වසර තුනකට අධික කාලයක සිට ක්‍රීඩා ඇමතිවරුන්ගේ සහ ක්‍රීඩා අමාත්‍යංශයේ උසස් නිලධාරීන්ගේ උදහසට ලක්ව තිබේ. 

ශ්‍රී ලංකා රග්බි නිලවරණය පැවැත්වීමට ඔන්න මෙන්න තිබියදී හිටපු සභාපතිවරයෙක් ප්‍රමුඛ පිරිසක් එකතුව අධිකරණයට කළ කරුණු දැක්වීමක් හේතුවෙන් නිලවරණය නතර විය. ක්‍රීඩා අමාත්‍යංශයේ වඩාත් බලවත් නිලධාරියකුගේ ඇතැම් ක්‍රියාකාරකම් රග්බි නිලවරණයට වාරණයක් වැටීමට හේතු වූ බව රග්බි ක්ෂේත්‍රයේ කතා බහට ලක්ව තිබේ.

රග්බි පරිපාලනයේ තමන් ඇතුළු කීපදෙනෙක් අනිවාර්යෙන්ම සිටිය යුතු යැයි සිතන කීපදෙනා පාලනය නොකළ හොත් මෙරට රග්බි ක්‍රීඩාවට දෙවියන්ගේම පිහිට යැයි රග්බි ක්ෂේත්‍රයට සම්බන්ධ බොහෝ දෙනා පවසති.  

හිටපු ක්‍රීඩා අමාත්‍ය නාමල් රාජපක්‍ෂ මහතාගේ කාලයේ සිට රග්බි පරිපාලනයට කණකොකා හැඬීය. රග්බි සභාපතිවරයා ලෙස කටයුතු කළ රිස්වි ඉල්ලියාස් මහතාට පහර ගැසීමට ඇතැම්හු සමස්ත රග්බි ක්‍රීඩාවම විනාශ කිරීමේ ව්‍යාපාරයක් ක්‍රියාත්මක කළහ. 

රග්බි නිලවරණය අවසන් මොහොතේ නතරවීමත් සමඟ පණ ගන්වමින් තිබූ මෙරට රග්බි ක්‍රීඩාව නැවතත් අකර්මණ්‍ය විය. රග්බි නිලවරණය සම්බන්ධයෙන් ක්‍රීඩා අධ්‍යක්‍ෂ ජනරාල් ෂෙමාල් ප්‍රනාන්දු මහතා කටයුතු කරන ආකාරය පිළිබඳව පළාත් රග්බි සංගම් දැඩි විරෝධයක් දක්වයි. 

ෂෙමාල් ප්‍රනාන්දු මහතා පසුගිය සතියේ කැඳවා තිබූ රැස්වීමක් වර්ජනය කිරීමට පළාත් රග්බි සංගම් පහක් කටයුතු කළ අතර ක්‍රීඩා අධ්‍යක්‍ෂ ජනරාල්වරයා මෙම සතියේ ද පළාත් රග්බි සංගම් කැඳවීමට කටයුතු කර තිබූ බව ද වාර්තා විය. එම රැස්වීම පළාත් රග්බි සංගම් හතක් වර්ජනය කිරීමට සූදානමින් සිටි බව වාර්තා විය. 

මෙරට වඩාත් ජනප්‍රියම සහ දස්කම් දැක්වූ ක්‍රීඩාවක් වන රග්බි ක්‍රීඩාව විනාශ කිරීමට වර්තමාන ආණ්ඩුව යටතේ පරිසරය නිර්මාණය කිරීම ජාතික අපරාධයකි. 

තිරය පිටුපස සහ විවෘතව ද රග්බි ක්‍රීඩාව විනාශ කිරීමට පිරිසක් කටයුතු කරමින් සිටියදී රග්බි ක්‍රීඩාව සම්බන්ධයෙන් චෝදනා එල්ල වී සිටින හිටපු රග්බි නායකයෙක් ජාතික ක්‍රීඩා සභාවේ සභාපතිවරයා ලෙස පත්කිරීමට ක්‍රීඩා අමාත්‍යවරයා පසුගියදා පියවර ගත්තේය. ඉන් නොනැවතුණු ක්‍රීඩා අමාත්‍යවරයා රටේ සමස්ත ක්‍රීඩාවේම නියමුවා වන ජාතික ක්‍රීඩා සභාවට රග්බි ක්‍රීඩාවට සම්බන්ධ නීත්‍යනුකූලව එම සභාවට පත්විය නොහැකි චරිත දෙකක් ද ඇතුළත් කළේය. 

ශ්‍රී ලංකා රග්බි කණ්ඩායමට නීති විරෝධී ලෙස ෆීජි ජාතික ක්‍රීඩකයන් තිදෙනෙක් ඇතුළත් කිරීමේ සිද්ධිය මෙරට රග්බි ක්‍රීඩාව මූල්‍යමය වශයෙන් මෙන්ම සියලුම අංශවලින් අඩපණ වීමට බලපෑ ප්‍රධාන හේතුව කිවහොත් එහි වරදක් නැත. එම වරදට ශ්‍රී ලංකාව පවුම්වලින් ලෝක රග්බි සංගමයට දඩ මුදල් ගෙවීය. එම සිද්ධිය රග්බි ක්‍රීඩාවේ පමණක් නොව ශ්‍රී ලංකාවේ සමස්ත ක්‍රීඩාවටම කළු පැල්ලමක් එක්කළ සිද්ධියකි. 

ජාතික ක්‍රීඩා සභාවේ නව සභාපතිවරයා ලෙස පත්වූ ප්‍රියන්ත ඒකනායක මහතා දක්‍ෂ රග්බි ක්‍රීඩකයෙක් යැයි අමුතුවෙන් කිවයුතු නැත. එය එසේ වුවද ඒ මහතා ශ්‍රී ලංකා රග්බි ප්‍රධාන විධායක නිලධාරියා ලෙස කටයුතු කළ කාලයේ ෆීජි ජාතික ක්‍රීඩකයන්ට මෙරට පුරවැසිභාවය ව්‍යාජ ලෙස දී ජාතික රග්බි කණ්ඩායමට ඇතුළත් කළ බව අමතක නොකළ යුතුය. 

එවැනි නිලධාරියෙක් ජාතික ක්‍රීඩා සභාවේ සභාපතිවරයා ලෙස පත්කිරීමෙන් රග්බි ක්‍රීඩා පරිපාලනයට සාධාරණය ඉටුකළ හැකි වේ යැයි විශ්වාස කළ හැකි ද? රිස්වි ඉල්ලියාස් මහතා ප්‍රමුඛ හිටපු රග්බි පරිපාලනය ෆීජි ක්‍රීඩකයන්ට ව්‍යාජ පුරවැසිභාවය දීමට විරුද්ධ පිරිස වීම නිසා වර්තමාන ආණ්ඩුව යටතේ ද එම සිද්ධියට සම්බන්ධ පුද්ගලයන්ට දඬුවම් ලැබේ යැයි විශ්වාස කළ නොහැක. 

රොෂාන් මහනාම සහ සිදත් වෙත්තමුණි වැනි මෙරට කීර්තිමත් හිටපු ක්‍රිකට් ක්‍රීඩකයන් ඇතුළත්ව සිටින ජාතික ක්‍රීඩා සභාවට ක්‍රීඩා උපකරණ සහ ඇඳුම් අළෙවි කරන සමාගම්වල හිමිකරුවන් වන රග්බිවලට සම්බන්ධ පුද්ගලයන් පත්කිරීම අනුමත කළ නොහැකිය.

නාමල් රාජපක්‍ෂ ක්‍රීඩා අමාත්‍යවරයා ලෙස කටයුතු කළ කාලයේ ආරම්භ වූ ඉල්ලියාස් භීතිකාව වර්තමාන ආණ්ඩුව යටතේ හෝ අවසන් වනු ඇතැයි මෙරට රග්බි ලෝලීන් තුළ බලාපොරොත්තු තිබුණ ද එය යථාර්ථයක් වන සේයාවක් හෝ නොමැත.  


සස්මින් ගමගේ


 



අදහස් (0)

ක්‍රීඩා ඇමතිගේ අමුතු තීරණ

ඔබේ අදහස් එවන්න

 

 
 

තක්සලාව

බෙරගල කන්දේ වැඩසිටින රහතන් වහන්සේලා
2025 මැයි මස 08 18 0

ඒ උතුම් පංච අභිඤ්ඤාලාභී උතුමන් පස්නමම වැඩ සිටින්නේ එකට. උන්වහන්සේලාගෙන් දෙනමක් ලංකාවාසි වන අතර, තුන් නමක් ඉන්දියාවේ වාසය කරන අයයි.


ඉදිරි දහ අට මාසයේ පෙරළි බහුලයි
2025 මැයි මස 08 12 0

ලෝකය සහ සොබා දහමේ හට ගන්නා වෙනස්වීම් පුරෝකථනය කිරීම සඳහා වූ පැරණිතම විද්‍යාව වන්නේ Mundane Astrology හෙවත් ලෝකායන නක්ෂත්‍ර විද්‍යාව ය. යටත් පිරිසෙයින් එහි භාවිත


සූර්යවංශි, ක්‍රිකට් වංශකතාවේ යෝධයෙක් වෙයිද
2025 මැයි මස 08 15 0

මේ දිනවල ක්‍රිකට් හිතැති හැමදෙනාම කතා කරන්නේ වෛභව් සූර්යවංශි ඉන්දියානු යෞවනයා ගැන. ඉන්දීය ප්‍රිමියර් ලීග් ඉතිහාසයේ වේගවත්ම ශතක ලැයිස්තුවේ දෙවැනි තැ


වෙසක් මස ග්‍රහ ගමන ඔබේ ලග්නයට කෙරෙන බලපෑම
2025 මැයි මස 08 18 0

මෙම මස ග්‍රහ ගමන් සිදුවෙන ආකාරය අනුව ඔබ උපන් ලග්නයට අදාළව ඔබේ අධ්‍යාපන - ආර්ථික - රැකියා හා ව්‍යාපාරයන්හි තත්ත්වය පිළිබඳව කෙරෙන විග්‍රහය


සඳු කේන්දරයේ පිහිටන ආකාරය අනුව ඔබේ අනාගතය ගැන කියවෙන රහස්
2025 මැයි මස 08 7 0

කේන්ද්‍ර සටහන යනු අපගේ අනාගතය පිළිබඳව කියැවෙන ග්‍රහ පිහිටීම් සහිත ලේඛනයකි. මෙකී කේන්දරය තුළ විවිධ ග්‍රහ ස්ථානයන්හි විවිධ ග්‍රහයන් පිහිටා තිබීම මත එම


රජෝදර්ශන කාලයේදී ස්නානය සුදුසු ද
2025 මැයි මස 08 16 0

ගැහැනු ළමයකු ගේ දෙවන උපත ලෙස මල්වර වීම හඳුන්වන්න පුළුවන්. එය නව දිවියකට පා තබන සංක්‍රමණික අවධියක් වන්නා සේම, එහිදී දරුවකු ශාරීරිකව මෙන්ම මානසිකව ද යම් ය


මේවාටත් කැමතිවනු ඇති

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1239 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 314 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 1340 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

Our Group Site