එංගලන්තයේ හිටපු අමතිවරයෙකුවන ඩෙනිස් මැක්ෂේන්ට තමන්ට ලැබියයුතු අමතර දීමනා ලබාගැනීමට හොර කුවිතාන්සි සපයා පවුම් 13,000 ( රුපියල් ලක්ෂ 27 ක්)  වංචා සහගතව ලබාගැනීමේ වරදට මාස 6 ක සිරදඬුවමක් නියම විය.

මැක්ෂේන්  හොර කුවිතාන්සි ඉදිරිපත්කර තිබුනේ " භාෂා පරිවර්තන සහ පර්යේෂණ කටයුතු " වෙනුවෙන් වැයකළ මුදල් වශයෙනි.

හිටපු ඇමතිවරයාට හය මාසයක සිරදඬුවමක් නියමකළ විනිසුරුවරයා පැවසුවේ " මැක්ෂේන්ගේ  වංකභාවය දේශපාලනයෙහි නියුතු සැමගේ හොඳනමට ලොකු කැළලක් ඇතිකරන බවයි. " මේ ගැන සම්පුර්ණ වගකීම දැරිය යුත්තේ ඔබම මිස වෙන කිසි කෙනෙකු නොවන" බවද විනිසුරුවරයා පැවසීය.

ඩෙනිස් මැක්ෂේන් පසුගිය කම්කරු රජයේ යුරෝපා කටයුතු බාර ඇමතිවරයා විය.