(ටෝනි කරුණානායක) 

හෙරොයින් කුඩා පැකට් වශයෙන් සකස් කර තරුණයන්ට අඩු මිලට අලෙවි කළ කල්ලියක සාමාජිකයින් සිවි දෙනෙකු ලබන 22 වැනිදා දක්වා රක්ෂිත බන්ධනාගාර ගතකරන ලෙස මිනුවන්ගොඩ මහෙස්ත්‍රාත් කේසර සි.ඒ.සමරදිවාකර මහතා අද (10) නියම කළේය.

හෙරොයින් කුඩා පැකට් සමඟ තරුණයන් අත්අඩංගුවට පත් වීම සම්බන්ධයෙන් මිනුවන්ගොඩ පොලිසිය කළ විමර්ශනයේදී අනාවරණය වූ තොරතුරු මත හෙරොයින් මිලි ග්‍රෑම් 8050 ක් සමඟ සැකකරුවන් අත්අඩංගුවට ගත් බව මිනුවන්ගොඩ පොලිසිය අධිකරණ ය හමුවේ පැවසීය.

රක්ෂිත බන්ධනාගාර ගතකළ සැකකරුවන් නිල්පනාගොඩ , කටුවැල්ලේගම ,පලුගහවෙල සහ පත්තඩුවන යන ප්‍රදේශවල පදිංචිකරුවන් බව පොලිසිය අධිකරණයට කරුණු වාර්තා කළේය.