බිමල් ෂ්‍යාමන් ජයසිංහ 

සීතාවක රජ්ජුරුවන් අයත් බවට සැලකෙන මිල කළ නොහැකි මැණික් ,දියමන්ති ඇතුළු පුරා වස්තු සොරා ගැනීම සදහා කලුඅග්ගල ,ලබුගම ,කලටුවාව ජලාශය ආසන්නයේ වක් ඔයේ නිදන් සොයමින් සිටි පිරිසෙන් අයෙකු අද (4)   දැඩි පරිශ්‍රමයක් දරා අත්අඩංගුවට ගත් බව පානදුර වලාන දූෂණ මර්ධන ඒකකය කියයි.

එහිදී පුද්ගලයන් 5 දෙනෙකු අදුරේම පලා ගිය බව පොලිසිය සදහන් කරයි .

 එම වක් ඔයේ තිබී ජලයේ ගිල්විය හැකි වතුර මෝටර් 3 ක් ,ඉල්ලන් කූරු 3 ක් ,ගල් විදින යන්ත්‍රයක් ,කපන කටු 2ක්, විශාල ප්‍රමාණයේ මිටියක් ,ටොන් එකක බර උසුලන ස්වංක්‍රීය යන්ත්‍රයක් ඇතුළු උපකරණ රැසක් පොලිස් භාරයට ගෙන ඇත.

පලා ගිය සැකකරු අත්අඩංගුවට ගැනීම සදහා පරීක්ෂණ පවත්වන අතර අත්අඩංගුවට ගත් සැකකරු 40 හැවිරිදි අයෙකු වන අතර ඔහු අවිස්සාවේල්ල අධිකරණයට ඉදිරිපත් කිරීමට නියමිතය .