(හිරාන් ප්රියංකර ජයසිංහ)
අරුවක්කාලුවේ ස්ථාන හතරක් පුරාවිද්යාත්මක වටිනාකමක් ඇති ස්ථාන ලෙස නම් කර ගැසට් කිරීමට කටයුතු කරන බව පරිසර රාජ්ය ඇමති ජයන්ත සමරවීර මහතා අද (21) පැවසීය.
අරුවක්කාලු හුණුගල් නිධිය ආශ්රිතව පිහිටා ඇති අලි වල සහ ඉංග්රීසින් විසින් මෙරට පාලනය කළ සමයේ මැණුම් කටයුතු වෙනුවෙන් ඉදිකළ මැණුම් කුළුණ පුරාවිද්යාත්මක වටිනාකමකින් යුතු ස්ථාන බවට හඳුනා ගෙන තිබේ.
සේරක්කුලිය පොල් වත්ත සීමාවේ ඇති ජෛව විවිධත්ව වටිනාකමකින් යුතු පැරණි හුණුගල් කොරියේ පූර්ව ශීලා මෙවලන් ඇති බවට හදුනාගෙන තිබේ.
අදාල ස්ථාන නිරීක්ෂණය සඳහා පුත්තලම ඉන්සි සිමේන්ති සමාගමේ සහ අරුවක්කාලු හුණුගල් කොරියේ නිලධාරීන් අවශ්ය පහසුකම් ලබා දී තිබුණි.
මෙම නිරීක්ෂණ කටයුතු සඳහා පරිසර අමාත්යශයේ ජෛව විවිධත්ව ලේකම් කාර්යාලය ,පුරාවිද්යා දෙපාර්තමේන්තුව, වනාතවිල්ලුව ප්රාදේශීය ලේකම් ,පරිසරවේදීන් සහ පර්යේෂණ නිලධාරීහු පිරිසක් එක්ව සිටියහ.
