(විමුක්ති එස් රුද්රිගු)
යුක්රේනයට ලබා දෙන සහාය අවතක්සේරුවට ලක් කිරීම සඳහා බ්රිතාන්ය සහ නේටෝ සාමාජිකයන් ඉලක්ක කරමින් සයිබර් ප්රහාර මාලාවක් දියත් කිරීමට රුසියාව සූදානම් වන බව බ්රිතාන්ය රජයේ ජ්යෙෂ්ඨ අමාත්යවරයකු වන පැට් මැක්ෆැඩ්න් පසුගියදා අනතුරු ඇඟවූවේය.
ඉන් පුද්ගලයන් මිලියන ගණනාවකට බලපෑමක් එල්ල විය හැකි බවද ඔහු ප්රකාශ කළේය. සැඟවුණු යුද්ධයකදී රුසියාවෙන් එල්ල විය හැකි තර්ජනය අවතක්සේරු නොකරන ලෙසට ඉදිරියේදී පැවැත්වෙන නේටෝ සමුළුවකදී සාමාජිකයන්ගෙන් ඉල්ලා සිටීමටද මැක්ෆැඩ්න් සූදානම් වන බවද පැවැසෙයි. බ්රිතාන්යයේ බලශක්ති ක්ෂේත්රය රුසියාවේ ඉලක්කය වී ඇති බවත් බ්රිතාන්ය ව්යාපාර ඉලක්ක කිරීමට රුසියාව දෙවරක් නොසිතනු ඇති බවත් මැක්ෆැඩ්න් අනතුරු ඇඟවූවේය.
බලශක්ති ක්ෂේත්රයට සයිබර් ප්රහාරයක් එල්ල කරමින් බලාගාර අක්රීය කළ හැකි බවත් ඉන් බ්රිතාන්ය ජාතිකයන් ලක්ෂ ගණනක් අඳුරේ තැබීමට රුසියාවට හැකියාව පවතින බවත් ඔහු පැවැසුවේය. බ්රිතාන්ය රුසියාව පිළිබඳ විමසිල්ලෙන් පසුවන බවත් රුසියාවේ රහසිගත සැලසුම් පිළිබඳ තොරතුරු බ්රිතාන්ය සතු බවත් මැක්ෆැඩ්න් ප්රකාශ කළේය.
