(අංජුල මහික වීරරත්න සහ සුජිත් හේවාජුලිගේ)
ජාත්යන්තර මූල්ය අරමුදලේ යෝජනා වලට විරුද්ධව ජාතික ජන බලවේගය ඉතා නිශ්චිතවම ඡන්දය ප්රකාශ කරන බව කොළඹ දිස්ත්රික් මන්ත්රී අනුර කුමාර දිසානායක මහතා පාර්ලිමේන්තුවේදී පැවසීය.
මහ බැංකු අධිපතිවරයා පාර්ලිමේන්තු අනුමැතියකින් තොරව ණය නො ගෙවන්න තීරණයක් ගන්නා බවද ඒ තීරණය සහ මූල්ය අරමුදලේ ක්රියාවලිය අතර සම්බන්ධයක් තිබෙන බවද කී දිසානායක මහතා මෙය යම් කුමන්ත්රණයක් මත ගන්නා ලද තීරණයක් බවද කීය.
මුල්ය අරමුදලේ යෝජනාවලිය සම්බන්ධයෙන් ජනාධිපති උමතු හැසිරීමක් පෙන්නන බවද දේපළ පවරා ගන්නා බව කියමින් විශ්වවිද්යාල ආචාර්යවරුන්ට තර්ජනය කරන බවද අනුර දිසානායක මහතා සඳහන් කළේය.
ආණ්ඩුවේ බදු නිසා බොහෝ වෘත්තිකයන්ගේ වැටුප ඍණ වී ඇති බවද අනුර දිසානායක මහතා කීය.
