(ෂේන් සෙනෙවිරත්න)
රට පත්ව තිබෙන ආර්ථික අර්බුදයෙන් මුදවා ගැනීමට වත්මන් රජය යටතේ උත්සාහ කරනවා. එසේ නොවුණහොත් වෙනත් විකල්ප ක්රියා මාර්ගයකට යනවා යැයි හිටපු ජනාධිපති මහින්ද රාජපක්ෂ මහතා පවසයි .
හිටපු ජනාධිපතිවරයා මහනුවරට පැමිණ දළදා සමිඳුන් වැඳපුදා ගැනීමෙන් අනතුරුව මාධ්යවේදීන් නැගූ පැනයකට පිළිතුරු දෙමින් ඒ බව අවධාරණය කළේය .
අයුක්තියට විරුද්ධව ජනතාව මේ අවස්ථාවේදි අවංකව නැගී සිටිය යුතු බව පැවසූ හිටපු ජනාධිපතිවරයා රටේ ජනතාවගේ අවශ්යතාවයන් ඉටු කළ හැකි ඕනෑම රජයකට ඉදිරියේදී තම සහාය ලබාදෙන බව ද පැවසීය .
ජනතාව මේ අවස්ථාවේදී එකමුතුව සහයෝගයෙන් ඉදිරියට යා යුතුව තිබෙන බවද හිටපු ජනාධිපතිවරයා වැඩිදුරටත් පැවසීය .
