එය ඉන්ධන පිරවුම් හලකි. සේවකයින් නිතරම කාර්ය බහුලය. ශාරීරික අවශ්‍යතා සඳහා කාලය ලබා ගන්නේද ඉතාම අපහසුවෙනි.

පසුගිය දිනක එහි කාර්ය බහුලත්වයත සමගම ලද මඳ විරාමයෙන් එක් සේවකයකු වැසිකිළියට දිවගියේ ඉක්මනින් පැමිණීමේ සිහියෙනි.

එහෙත් සියල්ල අමතකව තිබූ එම අවස්ථාවේ නොසිතූ දෙයක් සිදුවුණේය. කරකියාගත නොහැකි විය. රුපියල් 60,000 වටිනා ජංගම දුරකතනය වැසිකිළි පෝච්චියට වැටී අසුරු සැණින් අතුරුදන් විය.

ඒ තුළට අත දාන්නටද බැරිය. කෙසේ හෝ වතුර ගසා හිත හදාගන්න තැත් කළ ද එයත් කරගැනීමට නොහැකි වුණේ කොතරම් වතුර දැමුවත් වතුර බහින්නේ නැති නිසාය. බැලින්නම් ජංගම දුරකතනය ‘යූ’ අකුර හැඬේ ඇති කොටසේ හිරවෙලාය. දුරකතනය ඉවත් කරනතෙක් වතුර බැසීමක් බලාපොරොත්තුවිය නොහැකිය.