මේ සිද්ධියට මුහුණ දුන්නේ බම්බලපිටිය, දුම්රියපොළ ආසන්නයේ ව්යායාමයේ යෙදුණු දිවයිනේ සුප්රකට ව්යාපාරිකයෙකි.
දිගු වේලාවක් ව්යායාම කිරීමෙන් පසු, ගලක් මත හිඳ විවේක ගත් ව්යාපාරිකයා ඉන් පිටව ආවේ දුම්රිය වේදිකාවේ කෙළවරින්ම ඊට ගොඩවෙමිනි.
සිදුවූයේ කිසිසේත් අපේක්ෂා නොකළ අකරතැබ්බයකි. දුම්රිය වේදිකාව හරහා පිටතට පැමිණෙමින් සිටි ව්යාපාරිකයා දුම්රිය ප්රවේශපත්ර පරීක්ෂකවරුන්ගේ ග්රහණයට හසුවිය. ඒ වන විටත් ප්රවේශපත්ර නොමැතිව පැමිණි බොහෝ පිරිසක්ද පරීක්ෂකවරු විසින් අල්ලා ගනු ලැබ සිටියහ.
ව්යායාම කටයුතු සඳහා ව්යාපාරිකයා පැමිණි මෝටර් රථය නවතා තිබුණේ දුම්රිය පොළට ඉදිරියෙන් සමුද්රාසන්න මාර්ගයේය. තමන් උදෑසන ව්යායාමයට පැමිණි අයකු බව සඳහන් කරමින් අතේ තිබූ ස්වයංක්රීය පාලකය මගින් සිය වාහනයේ එලාම් නාද කරවා පෙන්වීමට ද ව්යාපාරිකයා පියවර ගත්තේය. ඊට අමතරව ව්යායාම සඳහා ඇඳ සිටි ඇඳුම ද පරීක්ෂකවරුන්ට පෙන්වීය.
ලැබුණේ ගෝත්රික මට්ටමේ පිළිතුරකි. ඔය කතා වලින් අපට වැඩක් නැහැ. ටිකට් නැතිව ප්ලැට්ෆෝම් එකේ හිටිය එක අපට ඇති. දඩය රු 2520 යි. ඒක ගෙවලා යන්න පුළුවන්. දුම්රිය ප්රවේශපත්ර පරීක්ෂකයන්ගෙන් ව්යාපාරිකයාට ලැබුණේ එවැනි පිළිතුරකි.
අවසානයේදී උදේ ඇවිදීමට පැමිණි ව්යාපාරිකයා ටිකට් නැතිව දුම්රියෙන් ගිය පිරිස අතර දුම්රිය පොළෙහි කාමරයකට කොටු කෙරුණි. කිසිවකට සවන් නොදෙන පරීක්ෂකවරුන්ගෙන් බුද්ධි මට්ටමෙන් විසඳුමක් නොලැබෙන බව දැනගත් ව්යාපාරිකයා සාක්කුවේ තිබූ පසුම්බිය ගෙන ඒ අතර තිබූ රුපියල් 5000 නෝට්ටුවක් දඩ ගෙවීම සඳහා දුන්නේ හැකි තරම් ඉක්මනින් ඒ ස්ථානයෙන් පිටවී යෑමේ අරමුණින්ය.
රුපියල් 2520 දඩය අය කර ඉතිරි මුදල් දීමට පරීක්ෂකවරුන් අත මුදල් නොතිබුණි. දඩ එකතු කර රුපියල් 5000 හි ඉතිරි මුදල් දෙනතෙක් තවත් කාලයක් කාමරයේ කොටු වී සිටීමට ව්යාපාරිකයාට සිදුවිය.
