බස්නාහිර පළාතේ ග‍්‍රාමීය ප‍්‍රදේශයක් කරා දෛනිකව ගමන් ගන්නා බසයකි.
බසය නගරයේ සිට කිලෝමීටර් හතරක තරම් දුරක් ධාවනය වූ පසු අලූතෙන් බසයට නැගගත් මගියකු ටිකට්පත ගැනීමට කොන්දොස්තර සෙවුවත් ඔහු බසයේ නොවීය.
මගීන්ගේ කසුකුසුව අතරේ මේ ආරංචිය රියැදුරුගේ කනට ද ගියේය.
ඔහු බසය පසෙකට ගෙන වහා නැවැත්වීය. මොහොතකට පසු බසය පසුපස වේගයෙන් ආ ත‍්‍රිරෝද රථයක් නැවතිණ.
ඒ තුළ ආ කොන්දොස්තර ” මම හන්දියේදි පස්සෙන් බැහැල ඉස්සරහට දොරට එන්න හදද්දි බස් එක ඇද්දුවා” කීවේ හතිලමිනි.
”එතකොට කවුද රයිට් කියල බෙල් එක ගැහුවේ” කී රියැදුරු වේගයෙන් බසය ඇද්දුවේ ඉදිරිපස කණ්ණාඩියෙන් මගීන් දෙස කෝපයෙන් බලමින්ලූ.