පසුගිය දා උදේ පාන්දරම නිට්ටඹුව නගරයේ පදික වේදිකාව අසලවූ කාණුවකට යතුරු පැදියක් පෙරලීම නිසා අසරණ වූ පුද්ගලයකුට එහි පැමිණි පිරිසක් උදව් කළහ. ඔහුගේ එක් පාදයක් බරපතළ ලෙස තුවාල වී තිබුණත් සිහිසුන් නොවූ ඔහු සිටියේ මහත් මානසික වියවුලකය.

සිදුවූයේ කුමක්දැයි වට පිටාවේ සිටි අය විමසුවත් ඔහු පිළිතුරු දුන්නේ නැත. මොහොතකින් ඔහු අමාරුවෙන් කීවේ තමා ඇද සිටින ජැකට්ටුව ගලවන ලෙසටය.
එය ගලවන විට ඒ තුළ සිටි ගරුඬ පත්තෑයෙක් පසෙකට විසිවිය නිසා වට පිටාවේ සිටි අයද කලබලයට පත්වූහ.

ජැකට්ටුව තුළට රිංගාගෙන සිටි මෙම පැත්තෑය තම ගෙල පෙදෙස පුපුරු ගෑම නිසා ඔහුට යතුරු පැදිය පාලනය කර ගැනීමට නොහැකි වූ බව පසුව අනාවරණය වූ අතර එක්වූ පිරිස පත්තෑයා එළොවටත් තුවාල කරු රෝහලටත් යැවුහ.