(කොටපොළ - කේ. ප්රදීප් නිරෝෂන්)
ඇය කොටපොළට නුදුරු පාසලක ප්රාථමික ශ්රේණියේ ඉගෙනුම ලබන සිසුවියකි. මවුපියන් උගත් අය නොවූ බැවින් දරුවන්ගේ අධ්යාපනය ගැන ද ඔවුන් වැඩි සැලකිල්ලක් දැක්වූයේ නැත. පාසල් පැමිණීම ද ඉතා අඩු මට්ටමක පවතින්නේ පියා උදෑසනම අවදි වී දරුවා පාසල් රැුගෙන යාමට දක්වන මැලිකම නිසාය. පාසලේදී වැඩකටයුතු උනන්දුවෙන් නොකරන නිසා ද ගෙදර දී පාසල් වැඩ නොකරන බැවින් ද සිසුවියගේ දැනුම ඉතා අඩු මට්ටමක පැවතුණි.
පසුගිය කාලයේ පාසලේ වාර විභාගයකදී කෙටි යෙදුම් ලෙස දී තිබූ වචනවලට එහි තේරුම වචන ඉදිරියෙන් ලියන ලෙසට සපයා තිබූ ප්රශ්න කිහිපයක් ප්රශ්න පත්රයක අඩංගු කර තිබිණි. එම ප්රශ්නය කිය වූ සිසුවිය එම වචනවල තේරුම් කල්පනා කරන්නට විය. එහි බු:ව: ලෙස ද කෙටි යෙදුමක් විය. ඇයට එක පාරටම මතක් වූයේ දත් මදින ”බුරුසුව” යි. ඇය එම වචනයට ඉදිරියෙන් බුරුසුව කියා ලියුවේ දෙවරක් නොසිතාය.
බුද්ධ වර්ෂ ලෙස ලිවිය යුතු පිළිතුරට බුරුසුව ලෙස ලියූ සිසුවිය පිළිබඳව මවුපියන් ලැජ්ජාවිය යුතු වූවද ප්රශ්න පත්රයේ වැරදි නිවැරදි බව පිරික්සූ ගුරුතුමියට නම් එම පිළිතුරු දැක දෙවියන් සිහිවුණාලූ.
