වියළි කලාපයේ ප්රකට නගරයක් ආශ්රිතව ජීවත් වූ සුරාවට සූදුවට බෙහෙවින් ඇබ්බැහි වූවෙකි. සිය බිරිය හා දරුවන් තිදෙනාගේ උපදෙස් පවා නොකතා ක්රියා කිරීම නිසා ඔහු මියගියේ අක්මාව ආශ්රිතව රෝගයකිනි.
අවමගුල් දා මෙන්ම තෙමස් දානය දා ද වැඩි දෙනා කතා කළේ මේ බීමත්කමේ හා සූදුවේ ආදීනව ගැනය.
අවමගුලටත් පිංකමටත් බෙහෙවින් සම්මාදම් වූ ප්රදේශයේ ව්යාපාරිකයකු වූ තැනැත්තෙක් පිංකමේ සියලූ ආගමික කටයුතු නිමවීමෙන් පසුත් එහි රැුඳී සිටීම පවුලේ අයට ගැටලූවක් විය. මේ ගැන විමසූ විට ඔහු කීවේ මියගිය අයගේ බිරිය කීමට කිසියම් කතාවක් ඇති බවය.
මේ ගැන බිරිය විමසූ විට ඔහු කී කතාවෙන් ඇයට දෙලෝ රත්විය. ඒ මිය ගිය තැනැත්තා තමාට ගේ උගසට තබා එය සින්නවී කාලයක් ගත වූ බවය. දැනට මේ ගේ වෙනුවෙන් ඔහු බදු කුලී ගෙවන බවත් මාස තුනක බදු මුදල ගෙවා නැති නිසා එය ගෙවන ලෙසත් කීවෙන් දැන් ඇය මෙයට විසඳුමක් සොයමින් දහ අතේ දුවනවාලූ.
