වැල්ලවාය - කොළඹ ප්රධාන මාර්ගයේ බලන්ගොඩ නගරාසන්න ස්ථානයකි. මහ මග අසල විශාල අඹගොඩක් තිබුණේ අලෙවිය පිණිසය. සුඛෝපභෝගී වාහනයක් ඒ අසල නැවැත්වීය.
අඹ වෙළෙන්දා පුටුවක වාඩි වී හොඳටම නිදිය. වාහනයේ වූ පිරිසෙන් කෙනෙක් අඹ ගැනීමට පැමිණ උස් හඬින් ඔහු ඇමතුවත් අවදි වූයේ නැත.
වට පිට බලන විට අසල නිවෙසක කාන්තාවක් කඩිනමින් එහි ආවේ ”ඇයි?” කියාගෙනය.
”අඹ ගෙඩි දහයක් විතර ගන්න” වාහනයෙන් ආ තැනැත්තා කීය.
”මහත්තය ඔය අඹ ගොඩම තොග ගානට විකුණලා. මේකා හොඳටම බීලා නිදි. ඉක්මනට අඹ ගෙඩි දහයක් තෝරගෙන මට රුපියල් සීයක් දෙන්න” ඇය කීවේ වටපිට බලමිනි.
ගනුදෙනුව සිදුවිය. ඇය රුපියල් සියය ගෙන කඩිනමින් ගෙදර ගිය අතර වාහනයද අඹ ටිකත් රැුගෙන ඉගිල්ලූණේය.
