වියළි කාලගුණයෙන් කුඩා තේවතු හිමියන්ට සිදු වූ පාඩුවට රුපියල් බිලියන 3 ක් වෙන් කිරීමට රජය තීරණය කර තිබේ.
එමෙන්ම පොහොර සැපයුම්කරුවන්ගේ ගෙවිය යුතු හිග බිල්පත් මුදල් ගෙවීම සඳහා රුපියල් බිලියන 3 ක මුදලක් වෙන් කර ඇත.
ඉදිරියේදී පොහොර ආනයන සමාගම් වලට රාජ්ය හා පෞද්ලගික ආයතනවලට භාණ්ඩාගාරයෙන් නිදහස් කරන මුදල් ලබාගෙන සිය බැංකු කටයුතු නැවත වතාවක් ක්රියාත්මක කිරීමට හැකියාව පවති. ඒ අනුව කිසිදු පොහොර හිගයක් ඉදිරියේදී ඇති නොවීමට කටයුතු කළ හැකි යැයිද අමාත්යවරයා සඳහන් කළේය.
සංචාර ව්යාපාරය, රෙදිපිළි ඇගළුම්විදේස සේවා නියුක්තිය,අපනයන කර්මාන්තය, සුළු පරිමාණ ව්යාපාර අංශය,තොරතුරු තාක්ෂණ , යන අංශ 5ට වවසන්ගත තත්ත්වයේ දැඩි බලපෑමක් එල්ල වීම හේතුවෙන් ඒ අයට සහන සැළසීමට ද රජය තීරණය කර තිබේ ඒ අනුව,
මාස හයක කාලයක් බැංකු සහ මූල්ය ආයතනවලට ගෙවිය යුතු ණය වාරික නොගෙවා සිටීමට අවස්ථාව ( මාර්තු 20 වැනිදා සිට මාස 6 ක්) සිය කාරක ප්රාග් ධන අවශ්යා සඳහා 4% පොලියට අදාල ආයතනය ගනු දෙනු කරන බැංකුවෙන් ලබා දෙන ලෙස ශ්රී ලංකා බැංකුව මගින් බැංකුවලට දැනුම් දී ඇත.
එමෙන්ම සුළු හා මධ්ය පරිමාණ කොන්ත්රාත්කරුවන්ට හිග මුදල් ගෙවිම සඳහා රුපියල් බිලියන 5 ක මුදලක් වෙන්කිරීමටද රජය තීරණය කර ඇත.
දෛනික වැටුපට වැඩ කරන ජනතාව වෙනුවෙන් නව සහන වැඩපිළිවෙල කිහිපයක්ම හඳුන්වා දී ඇතැයිද අමාත්යවරයා පැවසීය.
පරිප්පු කිලෝවක් උපරිම සිල්ලර මිල රුපියල් 65 ක අලෙවි කිරීමට සහ ටින් මාළු එකක උපරිම සිල්ලර මිල රුපියල් 100 ට අලෙවි කිරීම සහ ලොකු ලූනූ මිල අඩු කිරීම එක් පියවරක් ලෙසද සඳහන් කළේය.
ඊයේ(18) පැවැති කැබිනට් හමුවේදී මෙම තීරණ ගෙන තිබේ.
කොරෝනා වයිරසය ( කෝවිඩ් 19) හේතුවෙන් ජනාධිපති ගෝඨාභය රාජපක්ෂ මහතා විසින් මෙම සහන මහජනතාවට ලබා දීමට තීරණය කර තිබේ.
කැබිනට් තීරණ දැනුම්දීමේ හමුවේදී සම කැබිනට් ප්රකාශක අමාත්ය ආචාර්ය බන්ධුල ගුණවර්ධන මහතා මේ බව පැවැසීය.
