අපිට සිරගෙයක් කිවුවම මතක්වෙන්නෙ හිරු එළියක් නොමැතිව, හුස්ම ගන්නවත් වා කවුළුවක් හරිහැටි නොමැති, මහා දාමරිකයින් පිරුණු තැනක්‍් ලෙසිනි. කිලිටි සරුවාල ඇඳගෙන තැටියකුත් අරන් පෝලිමේ යන අයත් ඊට පිටිපස්සෙන් බැටන් පොල්ලක් අතින් ගත්තු බන්ධනාගාර නියාමකවරුත් ඒ අතර අපේ හිතේ මැවෙනවා.

නමුත් ලෝකෙ සියලුම සිරගෙවල් එක හා සමාන නෑ. එහෙම කියන්නේ එවැනි කිසිම වටපිටාවක් නැති ලෝකයේ තියෙන අපූරුතම හා සුපිරි බන්ධනාගාරය ගැන කියන්නටයි. මේ කියන සුපිරි බන්ධනාගාරය තියෙන්නේ නෝර්වේ රාජ්‍යයේ. එය හැඳින්වෙන්නේ හැල්ඩන් බන්ධනාගාරය ලෙසයි. නෝර්වේහි දෙවැනි විශාලතම බන්ධනාගාරය එහි ඉන්න රැඳවියන් එහෙමත් නැත්නම් සිරකාරයො බිත්ති හතරක් තුළ කොටුකරගෙන නොමැතිවීම තවත් විශේෂත්වයක්.

මේ කියන බන්ධනාගාරය තරු පහේ හෝටලයක පහසුකම් සහිත බන්ධනාගාරයක්. වෘත්තීය සූපවේදීන් විසින් සකස් කරන ලද කාබනික ආහාර සහිත කෑම වේලක්, අතිනවීන ශාරීරික ව්‍යායාම ශාලාවක් සහ විවේකාගාරයක් සහ තරු පුස්තකාලයක් වැනි මේ වගේ පුදුමාකාර පහසුකම් තිබෙන තැනක්.

මේ බන්ධනාගාරයේ නෝර්වේ හි හැල්ඩන් නගරයේ ඇති උපරිම ආරක්ෂිත බන්ධනාගාරයකි. එහි ප්‍රධාන ඒකක තුනක් ඇති අතර ලොව පුරා සිරකරුවන් රැඳවුවද, සාම්ප්‍රදායික ආරක්ෂක උපකරණ නොමැත. සිරකරුවන් පුනරුත්ථාපනය කෙරෙහි වැඩි අවධානය යොමු කරමින් 2010 දී පිහිටවූ මෙම බන්ධනාගාරයේ සැලසුම සිරකරුවෙක්ගේය. අනෙකුත් ක්‍රියාකාරකම් අතර, නිලධාරීන් හා මානුෂික හැඟීමක් ඇති කිරීම සඳහා නිරායුද කාර්ය මණ්ඩලයකින් සමන්විතවීම තවත් විශේෂත්වයකි.
හැල්ඩන් බන්ධනාගාරය 2010 වසරේදී එහි අභ්‍යන්තර සැලසුම වෙනුවෙන් ආන්ස්ටයින් ආර්නෙබර්ග් සම්මානය ලබාගෙන ඇති අතර එය ඕනෑවටත් වඩා නිදහස් හා ලිබරල්වීම නිසා විවේචන ද ලැබී තිබේ.

අක්කර 75 ක භූමිය තුළ සිටින්නේ සිරකරුවන් 250 ක් වැනි ගණනකි. එහෙත් එය නෝර්වේහි දෙවැනි විශාලම බන්ධනාගාරයයි.

සෑම සිර මැදිරියක්ම වර්ග මීටර් 10 ක් (වර්ග අඩි 110) වන අතර පැතලි තිර රූපවාහිනියක්, මේසයක්, කුඩා ශීතකරණයක්, වැසිකිළියක් සහ වැඩි ආලෝකයක් ලබා ගත හැකි නිරුපද්‍රිත සිරස් කවුළුවකින් එය සමන්විතය. බන්ධනාගාර ආහාර රසයෙන් අඩුනම් සිරකරුවන්ට එහි සිල්ලර වෙ​ෙළඳසැලෙන් වියළි ආහාර හා අමුද්‍රව්‍ය මිලදී ගෙන ඔවුන්ගේම ආහාර පිසීමට සිර ගෙදර අති නවීන මුලු‍තැන්ගෙය භාවිතා කළ හැකිය. සිරකරුවන්ට තම කාමරවලින් වැඩිපුර එළිමහනේ ගත කිරීම සඳහා දිනකට නෝර්වේ ක්‍රෝනර් 53 ක් දිරිගැන්වීමක් වශයෙන් රජය මගින් දෙනු ලැබේ.

රැඳවියන්ට ඔවුන්ගේ පවුල්, හවුල්කරුවන් හෝ මිතුරන් සතියකට දෙවරක් පැය දෙකක් සඳහා පෞද්ගලිකව පිළිගැනීමට අවසර තිබෙන අතර සිරකරුවන්ට පවුලේ සාමාජිකයන් සමග මසකට පැය 24 ක් ඔවුන් සමඟ රැඳී සිටිය හැකි වෙන් වෙන් කුටියක් සහිත නිවසක් ඇත. එකී නිවසේ කුඩා කුස්සියක්, නිදන කාමර දෙකක්, නාන කාමරයක්, කෑම මේසයක් සහිත විසිත්ත කාමරයක්, සෝෆා සහ රූපවාහිනියක් මෙන්ම සෙල්ලම් බඩු සහිත එළිමහන් ක්‍රීඩා පිටියක්ද ඇත. ක්‍රීඩාවට අමතරව සංගීතය එහි ප්‍රධාන විෂයකි.
උපරිම ආරක්ෂිත බන්ධනාගාරයක් ලෙස ප්‍රසිද්ධ මෙය ස්ත්‍රී දූෂකයන්, මිනීමරුවන් සහ ළමා අපචාරකයින් වැනි අතිශය භයානක අපරාධකරුවන්ට සත්කාරකත්වය සපයයි. ඔවුන් එහි සිටින සිරකරුවන්ගෙන් හරි අඩක් පමණ වන අතර තවත් තුනෙන් එකක් මත්ද්‍රව්‍ය වැරදිකරුවන් වේ. මේ කොයි තරාතිරමේ අයෙක් එහි සිටියද නෝර්වීජියානු සහ ඉංග්‍රීසි යන භාෂා දෙකම භාවිතා වන අතර බන්ධනාගාරයට ඉංග්‍රීසි සහ නෝර්වේජියානු භාෂාව උගන්වන ගුරුවරුද සිටීති.

පුනරුත්ථාපනය කෙරෙහි වැඩි අවධානය යොමු කරමින් එය නිර්මාණය කර ඇත්තේ සිරකරුවන්ට තමන් සමාජයේ කොටසක් ලෙස සැලකිය හැකි වන පරිදි ගමක් අනුකරණය කිරීම සඳහා ය. රජය විශ්වාස කරන්නේ බන්ධනාගාරය තුළ සහ පිටත ජීවිතය අතර ඇති ඇති වෙනස අවම වනවිට, බන්ධනාගාරයේ සිට නිදහස දක්වා මාරුවන සිරකරුවාට වඩා පහසු වනු ඇති බවය.

විකිපීඩියා ඇසුරෙනි....

තිළිණි ද සිල්වා