අකුරට යන්නට කම්මැළි හිතිලා
පිනි බිඳු මුතු මල්
තනි නොකරන්න මා
ස්වර්ණ ප්රදීපාය මාන
හස කැලුම් හෙළා
සයුරෙන් එතෙරට වැලිකතරේ ගිය අයියණ්ඩී
පොඩි කුමාරිහාමි
තොටියෝ
කඳුළින් නුවන්
ඉහතින් සඳහන් කළ ඒ ගීත, ඇය ගැයූ අර්ථාන්විත මෙන්ම රසාලිප්ත ගීත ගොනුවේ ඇති ගීත අතරින් කිහිපයක් පමණකි. ලාංකීය මුද්රාවට, ලාංකීය හැඩයට අනුව ගී ගැයූ ඇය ගැන ඔබට අමුතුවෙන් හඳුන්වා දිය යුතු නොවන්නේ, ඒ ප්රවීණ ශිල්පිනිය ගැන ඔබ හොඳින් දන්නා නිසාය. ඇය, විශාරද ස්වර්ණලතා කවීශ්වරය. අද ඇය අපට ප්රසංග වේදිකාවේදී හමු නොවන්නේ, තරමක අසනීප තත්ත්වයෙන් පසුවන නිසාය. ඇය නැවතූ තැනින් ඇයගේ ආදරණීය ගීතයේ රිද්මය රැගෙන ඉදිරියට යන්නේ ඇයගේ එකම දියණිය වන ස්නේහා අංජානිය.
‘අම්මයි - දුවයි’ විශේෂාංගය අද හැඩගන්වන්නේ විශාරද ස්වර්ණලතා කවීශ්වරගේ ඒ ලස්සන සුදු දුව හෙවත් ‘ස්නේහා’ය.
● ස්නේහා අංජානි, වැඩියෙන් කැමැති කොහොම අමතනවාට ද?
“ඒ නම් දෙකටම ආසයි. හැමෝම වගේ කතා කරන්නෙ ස්නේහා කියලයි.”
● ස්නේහාගේ පවුලේ විස්තර?
“පවුලේ එකම දරුවා මම.”
● ඒ නිසා ද අම්මා ‘සුදු දුව’ කියලා ඔබව අමතන්නේ? “ඔව්.”
● ස්නේහා, ඉගෙන ගත්තේ?
“කොළඹ සිරිමාවෝ විද්යාලයෙන්.”
● මොන වගේ අරමුණක් ද තිබුණේ?
“සංගීත ක්ෂේත්රයෙන්ම ඉදිරියට යාමට. ගෙදරින්ම ඒ පසුබිම හැදිලා තිබුණේ.”
● ස්නේහාගේ තාත්තා?
“තාත්තා ජීවතුන් අතර නැහැ. තාත්තා ගුවන්විදුලි සංස්ථාවේ සේවය කළේ සංස්කාරක හා සම්බන්ධතා නිලධාරියකු ලෙසයි. තාත්තාගේ නම රෝලන්ඩ් ඩයස්.”
අම්මා ගැයූ ගී අතරින් වඩාත්ම ජනප්රිය වූ ගීත අතර ‘අකුරට යන්නට’, ‘ස්වර්ණ ප්රදීපාය මාන’, ‘තනි නොකරන්න මා’, ‘තොටියෝ’ ඇතුළු ගීත බොහොමයක්ම තියෙනවා. ඊට අමතරව යුග ගීත ලෙස ගැයූ ගී අතරින් නිමල් ගුණසේකර අංකල් එක්ක ගැයූ ‘කඳුළින් නුවන්’, පුන්සිරි සොයිසා අංකල් එක්ක ගැයූ ‘බිඳුණු පෙමක’ ඇතුළු තවත් ගීත තියෙනවා.”
“ඒ බැඳීම ඇත්තෙන්ම වචනවලට හරවන්න බැරි තරමේ බැඳීමක්. මම ඇයගේ එකම දියණිය වීම ගැන මට තියෙන්නේ ලොකු සතුටක්. ඒ වගේම මම ලැබූ භාග්යයක්.”
“මේ ලෝකයේ සිටින හොඳම අම්මා ඇයයි.”
“මට ජීවිතය ලැබුණේ ඇය නිසයි. මට සංගීතය නමැති අපූරු විෂයය හදාරන්න කියා දුන්නේ ඇයයි. පොඩි කාලයේ ඉඳලාම මම සංගීතය ඉගෙන ගත්තේ අම්මාගෙන්. අම්මා එක්ක ගීතයකුත් ගයන්න ලැබුණා. ඒ වගේම විශාරදවරියක් වීම දක්වා මට සංගීතය කියා දුන්නෙත් අම්මා.”
“ඔව්.”
“සමාජයේ ඉතා ගුණයහපත් විදිහට ජීවත් වෙන විදිහ ගැන සහ ගෞරවනීය විදිහට ජීවත්වන විදිහ ඇතුළු මුළු ජීවිතයම කියා දුන්නේ අම්මා. දඟ වැඩ කළාම තරවටු කළා නම්, එහෙම කළේ මට හොඳම ජීවිතයක් දෙන්නයි. මට එහෙම ලොකුවට තරවටු කරලා නැහැ. හැමදේම කියා දුන්නේ ආදරයෙන්. දවසක් මම අද ඉස්කෝලේ යන්න බැහැ කිව්වාම, එදා තරවටු කළ හැටි මතකයි. ඒවා නිතරම වුණේ නැහැ. මම අම්මාට කීකරු දියණියක්.”
“මාත් සංගීත ක්ෂේත්රයේදී අම්මා වගේම හෙමින් ගමනක් යන කෙනෙක්. ඇත්තටම අම්මා කියන්නේ මට මගේ හොඳම යෙහෙළිය වගෙයි. ජීවිතයේ සෑම දෙයක් ගැනම මම අම්මාට කියලා තියෙනවා. අද වන විට මම විවාහකයි.”
“මම විවාහ වුණේ 2023 වසරේදී. මගේ සැමියාගේ නම සුරත් සංදීප. එයාගෙන් මගේ සංගීත ක්ෂේත්රයට ලැබෙන්නේ ලොකු සහයෝගයක්. අම්මාගෙන් පස්සේ මට ලොකු සහයෝගයක් ලැබෙන්නේ මගේ සැමියා සහ එයාගේ පවුලේ අයගෙන්.”
“සංගීත ක්ෂේත්රයේම තමයි.”
“ඇය වගේම මාත් වඩාත් නිරහංකාර චරිතයක්. ඇය වගේම හැමෝටම උදව් කරගෙන ජීවත් වෙන්න උත්සාහ ගන්න කෙනෙක්.”
“2017 වර්ෂයේදී විතර. ගුවන්විදුලි සංස්ථාවේ සරල ගී ගායන ශිල්පිනියක ලෙස සමත් වෙලා පළවැනි ගීතය එළිදැක්වුවා ‘සිහිනය මියැදුණු’ නමින්. ඒ ගීතය ලියුවේ සංජීව අල්විස්. සංගීතය කළේ දර්ශන වික්රමතුංග.”
“අම්මලා ක්ෂේත්රයට ආ දිනවල ගීත ගයලා තියෙන්නේ, එහි තේරුම දැනගෙන වචන පරීක්ෂා කරගෙන, හොඳම ගීතය පාඩම් කරගෙන එහෙම කියලා අම්මා මට කියලා තියෙනවා. සංගීතය තනුව ගැන පවා හොඳට අධ්යයනය කරලා කරන්න කියලා තමයි අම්මා මට අදටත් කියන්නේ.”
“අම්මාගේ සංගීත පන්ති දැන් පවත්වාගෙන යන්නේ මම.”
“මම දන්නා තරමින් ප්රසිද්ධ, කරළියේ හිටපු අය නෙවෙයි. ඒත් හැකියාවන් තිබිලා තියෙනවා. මගේ අම්මා මුලින්ම ක්ෂේත්රයට ඇවිත් තියෙන්නේ 70 දශකයේදී විතර, ගුවන්විදුලියේ සරල ගීත ගායන ශිල්පිනියක ලෙසයි. අම්මා කොළඹ අධ්යාපන කලාපයේ හිටපු සංගීත හා සංගීත විෂයය බාර අධ්යක්ෂ ලෙස තමයි වෘත්තිය කළේ. විශ්රාම ගන්නා විට අම්මා දැරුවේ ඒ තනතුර.”
“බොහොම හෙමින් සංගීත ක්ෂේත්රයේ ගමනක් යන නිහතමානි චරිතයක් විදිහට.”
“බොහොම කැමැතියි. රූපවාහිනී වැඩසටහනකට ගියාම මම ගයන්නේම අම්මාගේ ගීත. අම්මා ඒවා ආසාවෙන් නරඹනවා.”
“ඔක්කෝම ගීතවලට කැමැතියි. ඒ අතරින් වඩාත් කැමැති ‘තනි නොකරන්න මා කඳුළු සාගරේ කිසිදා’ ගීතයට.”
“ලැබෙනවා. ප්රසංගවලදී ඒ ප්රසංග සංවිධානය කරන අයම අම්මාගේ ගීත තෝරා දෙන අවස්ථා එහෙමත් තියෙනවා. අම්මාගේ ජනප්රිය වූ ගීත සියල්ලම වගේ ගයලා තියෙනවා. මම වෙනම කළ ගීත අතරින් ප්රේක්ෂකයන් අතර වඩා ජනප්රිය වුණේ, චන්දන ලියනාරච්චි මහතා සමඟ ගැයූ ‘අඳුරට කලියෙන්’ ගීතයයි. දැනට මේ වන විට මගේම ගීත 15ක් විතර කරලා තියෙනවා. ‘මල් පිපුණු වසන්තය’ ගීතයට, ‘හීන අරන් නුඹ ආවා’ ගීතයට හොඳ ප්රතිචාර ලැබෙනවා.”
සඳුන් ගමගේ
අසා සිටින අයට වදයක් වෙන තරමට කට කියවමින් අසල්වාසීන්ගේ ඕපාදූප සොයමින්, ඇසුරු කරන අයට ගිනි ගෙඩි දෙමින් වටපිටාවේ කරක් ගසන කාන්තාවන් ඕනෑම සමාජ තලයක දකින්
විවිධ කලාවන්ට හැකියාවන් ඇති, එකසේ දක්ෂතා දක්වන කලා තරු ක්ෂේත්රයෙන් අපිට හමුවෙන්නේ බොහොම කලාතුරකින්. මේ දිනවල පුංචි තිරයෙ ’’ඉරගිනි මද්දහනෙ’’ බණ්ඩාරෙ
ගීතය මේ වෙන කොට ප්රවීණ ගායන ශිල්පී ධනපාල උඩවත්ත මහතාගේ හඬින් වගේම ඔහුගේ පුත් ගයාන් උඩවත්තගේ හඬිනුත් අහපු නැති කෙනෙක් නැති තරම්. පියාගේ අඩිපාර දිගේ ආව
එදා මෙන්ම අද පරපුර පවා ආදරයෙන් වැලඳගන්නා මෙවැනි ගී දහරකින් රසික නෙත් සවන් සිත් මෝහනය කළ ඒ ප්රවීණ ගායන ශිල්පියා ඔබට මතක ඇති. ඔහු තමයි ෂෙල්ටන් මුතුනමගේ.
ප්ර මනෝජ් ඔබව බොහෝ දෙනෙක් හඳුනන්නෙ කල්පන නමින්. එහෙම නේද?
රුවත් නුවණත් දක්ෂතාවත් එක ලෙසම පිහිටි තරු අතර දීප්තිමත් තරුවක් වන ඇය කලා වෘත්තියට කොටු නොවී නීතීඥ වෘත්තියත් ගුරු වෘත්තියත් තම ව්යාපාරත් සමබරව කරගෙන
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 බ්ලූ ප්ලැනට් ත්යාගලාභී මොහාන් මුණසිංහ මහතා, 2025 අප්රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්යක්ෂක හසිත් ප්රේමතිලක මහතා සහ හේලීස් සෝලාහි අධ්යක්ෂක/ප්රධාන විධායක නිලධාරී රොෂේන් පෙරේරා මහතා සමඟ කතාබ
අප්රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
“මේ ලෝකයේ සිටින හොඳම අම්මා ඇයයි”