(නවරත්න සමරතුංග)

බලපත්‍ර නොමැතිව බෝර 12 පතුරොම් තුවක්කුවක් සන්තකයේ තබාගෙන සිටි පුද්ගලයකු අද(25) පොතුවිල් ඔරුකමලේ ප්‍රදේශයේදී සැකපිට අත්අඩංගුවට ගත් බව ආරුගම්බේ පොලිස් විශේෂ කාර්ය බලකාය පවසයි.

පොලිස් විශේෂ කාර්ය බලකායේ කඳවුරු අණදෙන නිලධාරයා ලද තොරතුරක් අනුව කළ වැටලීමකදී මෙම පුද්ගලයා තුවක්කුව සමග අත්අඩංගුවට ගෙන ඇත.

සෙංගමුව රක්ෂිත වනයේ නිතර දඩයක්කරුවන් වන සතුන් දඩයම් කරන බවට ආරක්ෂක අංශවලට තොරතුරු ලැබී ඇති බව ද එම බලකාය පවසයි.

එස්.ජී. වර්ගයේ ජීව උණඩයක්ද ඔහු සතුව තිබී හමුවී ඇත.

සැකකරු වැඩිදුර පරීක්ෂණ සඳහා පොතුවිල පොලීසිය භාරයට පත් කරන බව පොලිස් විශේෂකාර්ය බලකායේ උසස් නිලධාරියෙක් ‘ලංකාදීප’යට පැවසීය.