(ජුඩ් සමන්ත)
 පොලිතීන් සහ ප්ලාස්ටික් භාවිතය අවම කරන ලෙස තලවිල ශාන්ත ආනා දේවස්ථානයේ සහ හලාවත මුන්නේෂ්වරම දේවාලයේ මංගල්‍යයන් වලට සහභාගී වන බැතිමතුන්ගෙන් තමන් ඉල්ලීමක් කරන්නේ යැයි පුත්තලම දිසා ලේකම් එන්.එච්.එම්.චිත්‍රානන්ද මහතා පැවසීය.

පුත්තලම දිසා ලේකම් කාර්යාලයේ පැවති මාධ්‍ය හමුවකදී දිසා ලේකම්වරයා මේ බව කියා සිටියේය.
මධ්‍යම පරිසර අධිකාරියේ පුත්තලම ප්‍රාදේශීය කාර්යාලය විසින් සංවිධානය කර තිබූ මෙම මාධ්‍ය හමුවේදී වැඩිදුරටත් අදහස් දැක්වූ දිසා ලේකම්වරයා මෙසේද පැවසීය.

තලවිල ශාන්ත ආනා මුනිවරියගේ දේවස්ථානයේ සහ හලාවත - මුන්නේෂ්වරම දේවාලයේ මංගල්‍ය සමය මේ වන විට ආරම්භ වී තිබෙනවා. මෙම මංගල්‍යයන් සඳහා විශාල බැතිමතුන් පිරිසක් සහභාගී වන බව අපි දන්නවා.
මෙම පුජනීය ස්ථාන වලට පැමිනෙණ විට පොලිතින් සහ ප්ලාස්ටික් රැගෙන ඒමෙන් වළකින ලෙස ඉල්ලීමක් කරන්න කැමතියි. ඒ වාගේම යම් ආකාරයකට පොලිතින් හෝ ප්ලාටික් භාජන රැගෙන එන්නේ නම් ඒවා ආපසු රැගෙන යාමට කටයුතු කරන ලෙසත් ඉල්ලීමක් කරන්න කැමතියි.ආපසු රැගෙන නොයන අපද්‍රව්‍ය නිසි පරිදි බැහැර කිරීමක් කිරීම තුළින් පරිසරය ආරක්ෂා කර ගැනීමට අපට හැකියාව තිබෙනවා.

මෙම අවස්ථාවට මුන්නේෂ්වරම දේවාලයේ සිව ක්‍රිෂ්ණ  අයියර් පුජක තුමන්ද, කල්පිටිය ප්‍රාදේශීය ලේකම් නන්දන සෝමතිලක,මධ්‍යම පරිසර අධිකාරියේ පුත්තලම සහකාර අධ්‍යක්ෂක එන්.ඩී.කේ.දිසානායක යන මහත්වරුන්ද සහභාගි විය.