(අනීෂා මානගේ)
 
දක්ෂිණ අධිවේගී මාර්ගයේ ඉදිකිරීම් සිදුකරන අඟුණකොළපැලැස්ස ප්‍රදේශයේ වැඩබිමකින් සොරකම් කරන ලද ඩීසල් තොගයක් සමග සැකකරුවකු අද(05) අත්අඩංගුවට ගත් බව තංගල්ල සහ මාතර දිසා මත්ද්‍රව්‍ය වැටලීම් ඒකකයේ නිලධාරීහු පවසති. 
 
අත්අඩංගුවට ගත් සැකකරු වලස්මුල්ල ප්‍රදේශයේ පදිංචිකරුවෙකි.
 
සැකකරු විසින් සොරකම් කරන ලද ඩීසල් ලීටර විස්ස බැගින් අඩංගු වූ කෑන් 25ක් පොලිසිය බාරයට ගෙන ඇත. 
 
වීරකැටිය උඩයාල ප්‍රදේශයේ පාළු ස්ථානයකදී මෙම ඩීසල් තොගය කැබ් රථයකට පටවමින් සිටියදී සැකකරු අත්අඩංගුවට ගැනීමට පොලිස් නිලධාරීහු සමත් වූහ. 
 
අත්අඩංගුවට ගත් ඩීසල් තොගය සහ සැකකරු වැඩිදුර පරීක්ෂණ සඳහා වීරකැටිය පොලිසියට බාර දී තිබේ.