(ඩී.කේ.රත්න)

හාලිඇල අඹවක රක්ෂිතයේ අද (30) අලුයම ඇතිවූ හදිසි ගින්නකින් රක්ෂිතයේ අක්කර 20 ක පමණ භූමි භාගයක් සම්පූර්ණයෙන්ම විනාශ වී ඇතැයි හාලිඇල පොලීසිය පවසයි.

වියළි කාලගුණයක් ප‍්‍රදේශයට නොතිබුණ ද ප‍්‍රදේශයේ පවතින සුළං තත්වය නිසා ගින්න ඇතිවීමත් සමඟ ප‍්‍රදේශය පුරා ගින්න සීඝ්‍රයෙන් පැතිර ගොස් තිබේ.

මෙම ගින්න හේතුවෙන් මෙම රක්ෂිතයේ තිබූ විටිනා ශාක පැලෑටි සහ ඖෂධ පැලෑටි රැසක් ද සත්ව විශේෂ රැසක් ද විනාශ වී ඇතැයි පරිසරවේදීහු කියති.

කිසියම් පිරිසක් හෝ පුද්ගලයකු විසින් වන සතුන් දඩයම් කිරීම හෝ විනෝදය සඳහා මෙම රක්ෂිතයට ගිනි තබන්නට ඇතැයි පොලීසිය කියයි.